ފިޓްޖެހިގެން ރޭ އައިޖީއެމްއެޗަށް ގެންދިޔަ ފަހުން ޕޮޒިޓިވްވި ބިދޭސީމީހާ މަރުވެއްޖެ

ހޯމަ ދުވަހުގެރޭ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދިޔަ ބިދޭސީ މީހާ ނިޔާވެއްޖެއެވެ.

ފިޓް ޖެހިގެން ޙާލު ބޮޑުވެ ގެންދެވުނު މި ބަލިމީހާ ކޮވިޑް-19 އަށް ޓެސްޓްކުރިއިރު ޕޮޒިޓިވްވެފައިވާއިރު، އޭނާ މަރުވެފައިވަނީ އަންގާރަ ދުވަހުގެ ވަގުތެއްގައެވެ. އެއާއެކު ރާއްޖެއިން ކޮވިޑް-19 ޖެހިފައިވާ މީހުންގެ ތެރެއިން މަރުވި މީހުންގެ ޢަދަދު ވަނީ 2ށް އަރާފައެވެ.

ރާއްޖެއިން ކޮވިޑް-19 ޖެހިގެން އެންމެ ފުރަތަމަ މީހަކު މަރުވެފައިވަނީ މިދިޔަ އޭޕްރީލް މަހުގެ 30 ވަނަ ދުވަހުއެވެ. އޭނާއަކީ ކުރިން ޕޮޒިޓިވްވި ފަރާތެއް ކަމުގައިވާ MV0126 އާ ގުޅުންހުރި ފަރާތެކެވެ. އަދި އެ ޢާއިލާގެ އިތުރު ބަޔަކަށްވެސް ވަނީ ކޮވިޑް-19 ޖެހިފައެވެ.