އުޅެއުޅެވެސް ކާޖޮލްއަށް އަޖޭ ބަދިގެއަކަށް ނުވެއްދުނު
4 މެއި 2020 | ހޯމަ 04:00ވަރަށް ގިނަ ފަހަރު ކާނާ ތައްޔާރު ކރަން އެދުމުން ވެސް އެކަމެއް އަޖޭ ނުކުރޭ
އަޖޭ ދޭވްގަން އާއި ކާޖޮލް
ބޮލީވުޑްގެ ފިލްމީތަރި ކާޖޮލް ވަނީ ލޮކްޑައުންގައި ތިބި އޭނާގެ ފޭނުން މުނިފޫހި ފިލުވައިދިނުމުގެ ގޮތުން ކިއު އެންޑް އޭ ސެޝަނެއް ބާއްވާފައެވެ.
ޓްވިޓަރ މެދުވެރިކޮށް ކުރިއަށް ގެންދިޔަ މި ސެޝަންގައި ކާޖޮލްވަނީ ފޭނުންގެ ގިނަ ސުވާލުތަކަކަށް ޖަވާބުދީފައެވެ. އެގޮތުން ފޭނަކު ވަނީ ލޮކްޑައުންގެ މުއްދަތުގެ ތެރޭގައި ކާޖޮލް އަށް އޭނާގެ ފިރިމީހާ އަޖޭ ދޭވްގަން ކިތައް ދުވަހު ކާނާ ތައްޔާރުކޮށްދިންތޯ ސުވާލުކޮށްފައެވެ. އެސުވާލުގެ ޖަވާބުގައި ކާޖޮލް ބުނެފައިވަނީ އަޖޭގާތު އެތައް ފަހަރަކު ކައްކަދިނުމަށް އެދުނުނަމަވެސް، މިހާތަނަށްއާއިރު އަޖޭ ބަދިގެއަށް ވަދެފައި ނުވާކަމަށެވެ.
ލޮކްޑައުންގައި ކާޖޮލް ބަދިގެއަށް ވަދެ ކައްކަންތޯ ކުރި ސުވާލުގެ ޖަވާބުގައި އޭނާ ބުނެފައިވަނީ ނުކައްކާ ކަމަށެވެ. ނަމަވެސް ކެއުމަށް ވަރަށް ފޯރިހުންނަ ކަމަށް ބުންޏެވެ.
މީގެ އިތުުރުން ފޭނަކު ވަނީ އޭނާގެ އެންމެ ފޭވަރިޓް ކެރެކްޓަރ އާއި ބޭހެގޮތުންވެސް ސުވާލުކޮށްފައެވެ. ގިނަ ފިލްމްތަކެއް ކުޅެފައިވާ ކާޖޮލް އެސުވާލަށް ދިން ޖަވާބަކީ ފިލްމް "ކުޗްކުޗް ހޯތާހޭ" ގައި ކުޅުނު "އަންޖަލީ" ގެ ރޯލް ކަމަށެވެ. އެ އަންޖަލީ އަކީ އޭނާގެ އަސްލު ކެރެކްޓަރ އާއި ވަރަށް އެއްގޮތް ކެރެކްޓަރ އެއް ކަމަށް ކާޖޮލް ވަނީ ބުނެފައެވެ.
އެންމެ ބަހަކުން "ކުޗްކުޗް ހޯތާހޭ" ސިފަކުރާނީ ކިހިނެތްތޯ ކުރި ސުވާލުގެ ޖަވާބުގައި ކާޖޮލް ބުނެފައިވަނީ "މެމަރީޒް އެންޑް ފްރެންޑްޝިޕް" އެވެ.
މީގެ އިތުރުންވެސް ކާޖޮލް ވަނީ ފޭނުންކުރި ގިނަ ސުވާލުތަކަކަށް ޖަވާބުދީފައެވެ.
