އިތުރު 23 މީހަކު ރާއްޖެއިން ޕޮޒިޓިވްވެ، އަދަދު 514ށް
ޕޮޒިޓިވްވި މީހުންގެ ތެރޭގައި 17 ދވެހިން
ޙުސައިން މަޚްތޫމް | 2 މެއި 2020 | ހޮނިހިރު 14:24
މާލޭގައި ރޭންޑަމް ޓެސްޓް ކުރުމުގެ ތެރެއިން
އިތުރު 23 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މި 23 ކޭސްގެ ތެރޭގައި ހިމެނެނީ 17 ދިވެހިންނާއި، 4 ބަންގުލަދޭޝް މީހުންނާއި, ނޭޕާލު މީހަކާއި އިންޑިއާ މީހެއް ކަމަށެވެ.
މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 514 އަށް އަރާފައެވެ. މިއަދު އެކަނި ވަނީ 23 މީހަކު ބައްޔަށް ޕޮޒިޓިވްވެފައެވެ.
ރާއްޖޭގައި 494 މީހަކަށް އަންނަނީ ކޮވިޑް-19 އާއި ގުޅިގެން ފަރުވާ ދެމުންނެވެ.
