އިތުރު 14 ދުވަހަށް ލޮކްޑައުން ދަންމައިފި
ފުރަތަމަ އިއުލާންކުރި ލޮކްޑައުން ނިމޭނީ އޭޕްރިލް 30 ގައި
މާލެ ސިޓީ ލޮކްޑައުން
މާލެ ސަރަހައްދުގެ ލޮކްޑައުން އިތުރު 14 ދުވަހަށް ދަންމަން ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ނިންމައިފި އެވެ.
ލޮކްޑައުންގެ މުއްދަތު އިތުރުކުރިިކަން އިއުލާންކޮށް ގެޒެޓު ކޮށްފައިވާ އިއުލާނުގައި ވަނީ ކުރިން އެންގި އެންގުމުގެ މުއްދަތު 14 ދުވަހަށް އިތުރުކުރަން ނިންމާފައިވާ ކަމަށެވެ.
މާލެއިން ކޮވިޑް-19 ގެ ކޭސް އެއް ފެނުމާއި ގުޅިގެން ގްރޭޓާ މާލެ ސަރަހައްދު ލޮކްޑައުން ކޮށްފައިވަނީ މި މަހުގެ 15 ވަނަ ދުވަހުއެެވެ. އެއާއި އެކު މާލެ، ވިލިމާލެ އަދި ހުޅުމާލޭގައި އެއްގަމު އުޅަނދުފަހަރު ދުއްވުމާއި މަގުމައްޗާއި، އާންމު ތަންތަނަށް އެއްވެ އުޅުން ވަނީ މަނާކޮށްފައެވެ. ލޮކްޑައުން ކޮށްފައިވާއިރު، ބޭރަށް ނިކުމެ އުޅެވެނީ ފުލުހުންނާއި، ސިފައިންނާއި، ސިއްހީ ހިދުމަތްދޭ ތަންތަނުގެ މުވައްޒަފުންނާއި އެ ތަންތަނުގެ އުޅަނދު ދުއްވާ ފަރާތްތަކަށެވެ.
އަދި އޭގެ އިތުރުން ނޭޝަނަލް އެމަރޖެންސީ އޮޕަރޭޝަން ސެންޓަރ (އެންއީއޯސީ) ގެ ފާސް ލިބިފައިވާ ފަރާތްތަކާއި އެންއޯއީސީގެ ފާސް ލިބިފައިވާ މީޑިޔާގެ ފަރާތްތަކެވެ. ނަމަވެސް މާލޭގެ މަގުމަތީގައި އެއްވެސް ހުއްދައެއް ނެތި އުޅޭ މީހުންގެ ތެރެއިން ގިނަ ބަޔަކު ފުލުހުން ވަނީ ޖޫރިމަނާ ކޮށްފައެވެ. ކާބޯތަކެތި ގަތުމަށާއި، ޒަރޫރީ ބޭނުން ތަކުގައި ބޭރަށް ނިކުންނަން ބޭނުންވާ ފަރާތްތަކަށް ފުލުހުން ދަނީ ފާސް ދޫކުރަމުންނެވެ. ފާސް ދޫކުރުމުން ދަނީ ކޮންމެ ގެއަކުން ކޮންމެވެސް އެކަކަށް އެއް ގަޑިއިރަށެވެ.
މާލޭގެ ލޮކްޑައުން ކޮށްފައިވާއިރު، ރާއްޖޭގެ އެއް ރަށުން ރަށުން އަނެއް ރަށަށް އަރާ ފޭބުންވެސް ވަނީ މަނާކޮށްފަ އެވެ.
