ކޮވިޑް-19 އަށް ރާއްޖެއިން އިތުރު ދެ މީހަކު ޕޮޒިޓިވްވެއްޖެ، ޖުމްލަ އަދަދު 228 ށް
ފާއިތުވި 24 ގަޑި އިރު ތެރޭގައި 2 މީހަކު ވަނީ ޕޮޒިޓިވްވެފައި
ކޮވިޑް-19 އަށް ރޭންޑަމް ސާމްޕަލް ނެގުމަށް ޓާސްކްފޯހުން ކުރިއަށްގެންދިޔަ ސަރވައިލަންސްގެ ތެރެއިން
ކޮވިޑް-19 އަށް ރާއްޖެއިން އިތުރު ދެ މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީން ބުނެފި އެވެ.
މި ދެ މީހުންގެ ކުރެ އެކަކީ ދިވެއްސެއް އަދި އަނެއް މީހާއަކީ ބަންގްލަދޭޝް މީހެކެވެ. ހެލްތް މިނިސްޓްރީގެ ޑޭޝްބޯޑު ދައްކާގޮތުން ޕޮޒިޓިވްފެފައިވާ ދިވެހި މީހާގެ އުމުރަކީ 33 އަހަރެވެ. އަދި އޭނާގެ ކޭސް ގުޅިފައިވަނީ އެމްއެޗްއެފްގެ ކްލަސްޓަރ އާއެވެ. ނަމަވެސް ބަންގުލަދޭޝް މީހާގެ އިތުރު މައުލޫމާތެއް ހާމަކޮށްފައި ނުވެ އެވެ.
މި ދެ ކޭސްއާއެކު ފާއިތުވި 24 ގަޑި އިރުގެ ތެރޭގައި 2 މީހަކު ވަނީ ޕޮޒިޓިވްވެފަ އެވެ. މިހާތަނަށް ރާއްޖެއިން 228 މީހަކު ޕޮޒިޓިވްވެފައިވާ އިރު މާލޭގައި ކޮމިއުނިޓީ ސްޕްރެޑް ފެތުރެން ފެށި ފަހުން 207 މީހަކު ވަނީ ޕޮޒިޓިވްވެފަ އެވެ.
ރާއްޖެއިން ޕޮޒިޓިވްވި މީހުންގެ ތަފާސްހިސާބުތައް ދައްކާ ގޮތުން ބަންގުލަދޭޝްގެ 106 މީހަކާއި، 90 ދިވެއްސަކާއި، އިންޑިއާގެ 13 މީހަކާއި، އިޓަލީގެ 11 މީހަކާއި، ޕާކިސްތާން އަދި ލަންކާގެ 2 މީހަކާއި، ޔޫކޭގެ 1 އަދި އެހެނިހެން ގައުމުތަކުން 3 މީހަކު ވަނީ ޕޮޒިޓިވްވެފަ އެވެ.
