ޗައިނާއިން އިއްޔެ ވައިރަސް ޖެހުނީ އެންމެ 3 މީހުންނަށް

ކޮވިޑް-19 އެންމެ ފުރަތަމަ ފެނުނު ޗައިނާއިން އިއްޔެ ވައިރަސް ޖެހިފައިވަނީ އެންމެ 3 މީހުންނަށް ކަމަށް އެޤައުމުގެ ހެލްތު އޮތިރިޓީން ބުނެފިއެވެ.

ޗައިނާއިން އޭގެކުރީ ދުވަސް ކަމުގައިވާ ހޮނިހިރު ދުވަހު ވައިރަސް ޖެހިފައިވަނީ 11 މީހުންނަށެވެ. އާދިއްތަ ދުވަހު ވައިރަސް ޖެހުނު 3 މީހުންގެ ތެރެއިން 2 މީހުންނަކީ އެޤައުމަށް އެތެރެވި މީހުންނެވެ. އޭގެކުރީ ދުވަސްކަމުގައިވާ ހޮނިހިރު ދުވަހު އެޤައުމަށް އެތެރެވި 5 މީހެއްގެ ގައިން ވައިރަސް ފެނިފައިވެއެވެ.

ޗައިނާގެ އެތެރެއިން އެކަކަށް ވަނީ އާދިއްތަ ދުވަހު ވައިރަސް ޖެހިފައެވެ. އެއީ ޗައިނާގެ އުތުރުއިރުމަތީ ޞަރައްޙައްދީއިން ކައިރީ އޮންނަ ހެއިލޯންގޖިއެންގް ޕްރޮވިންސުންނެވެ.

ހަށިގަނޑުގައި ވައިރަސް ހުރިކަމުގެ އަލާމާތެއް ނުފެނި 25 މީހަކު ވަނީ އާދިއްތަ ދުވަހު ވައިރަސް އަށް ޕޮޒިޓިވްވެފައެވެ. އޭގެކުރީ ދުވަހު އެގޮތަށް ވައިރަސް އަށް ޕޮޒިޓިވްވެފައިވަނީ 30 މީހުންނެވެ.

ޗައިނާގައި މިހާތަނަށް 82,830 ވައިރަސް ޖެހިފައިވެ އެވެ. އަދި 4633 މީހުން ވަނީ ވައިރަސް ޖެހިގެން މަރުވެފަ އެވެ.