ކަރަންޓީން ފެސިލިޓީއަކަށް ބަދަލުކުރި ޝާހުރުކްހާންގެ އޮފީސް ދައްކާލާއިފި

ކަރަންޓީން ފެސިލިޓީއަކަށް ބަދަލުކުރި، ބޮލީވުޑްގެ މަޝްހޫރު ތަރި ޝާހުރުކުޚާނާއި އެނާގެ އަންހެނުންގެ އޮފީސް ދައްކާލާފިއެވެ.

ބްރިހާން މުމްބާއީ މުނިސިޕަލް ކޯޕަރޭޝަން ( ބީއެމްސީ)ގެ ބެލުމުގެ ދަށުން ގާއިމްކުރި 22 އެނދުގެ ކަރަންޓީން ފެސިލިޓީ ދައްކާލާފައި ވަނީ މި މަހުގެ 22 ވަނަ ދުވަހު ޝާހުރުކްގެ އަންހެނުން ގައުރީޚާން ކުރި އިންސްޓަގްރާމް ޕޯސްޓަކުންނެވެ.

ހަތަރު ބުރީގެ އެ އިމާރާތް ކަރަންޓީން ފެސިލިޓީއަކަށް ބަދަލުކުރުމަށް ބްރިހާން މުމްބާއީ މުނިސިޕަލް ކޯޕަރޭޝަން އާއި ހަވާލުކުރީ މި މަހުގެ ހަތަރު ވަނަ ދުވަހުގައެވެ.

ރިޕޯޓްތަށް ބުނާ ގޮތުން މި ކަރަންޓީން ފެސިލިޓީގެ އިންޓީރިއާ ހުރިހާ މަސައްކަތެއް ކޮށްފައި ވަނީ ގައުރީޚާންގެ އިންޓީރިއާ ސްޓޫޑިއޯއިންނެވެ. ގައުރީ އަކީ އިންޓީރިއާއި ޑިޒައިނަރެކެވެ. ބެލެވޭގޮތުގައި އެތަނުގެ ޑިޒައިންގެ މަސައްކަތްތައް ކޮށްފައި ވަނީ އެނާގެ ސީދާ ބެލުމުގެ ދަށުންނެވެ.

ގައުރީ ބުނީ ކަރަންޓީން ފެސިލިޓީއިން މިހާރު ޙިދުމަތް ދެމުން ގެންދާ ކަމަށެވެ. އަދި ދުނިޔޭގައި ހަލުވިކަމާއި އެކު ފެތުރުމެން އަންނަ ކޮވިޑް 19 އާއި ދެކޮޅަށް އެންމެން ގަދަ އަޅާ މަސައްކަތް ކުރުމަށް ގައުރީ ވަނީ އެދިފައެވެ.

އިންޑިއާގައި ކޮވިޑް 19 އާއި ގުޅިގެން އެގައުމުގެ ބޮޑުވަޒީރު ނަރެންދުރަ މޯދީ ގާއިމްކޮށްފައިވާ "ޕީއެމް ކެއަރ" ފަންޑަށް ބޮލީވުޑްގެ މަޝްހޫރު ތަރިން ދަނީ ފައިސާގެ އެހީތެރިކަން ފޯރުކޮށްދެމުނެވެ. އެ ފަންޑަށް ޝާހުރުކް ވެސް ވަނީ ފައިސާގެ އެހީތެރިކަން ފޯރުކޮށްދީފައެވެ.