ޗައިނާ ބޮކްސް އޮފީސްގައި ދޫމް 3 އަދި 3 އިޑިއަޓްސް ފަހަތަށް ޖައްސާލައި ބާހުބަލީ 2 ވަނީ ކުރިހޯދައިފައި

އިންޑިއާގައި ބޮޑު ތަރުހީބެއް ލިބުނު ބާހުބަލީ 2، ޗައިނާގައި ރިލީސް ކުރުމުން އެހާބޮޑު ތަރުހީބެއް ނުލިބެއެވެ. އެހެންނަމަވެސް މިހާރު ޗައިނާ ބޮކްސް އޮފީސްގައި ދޫމް 3 އަދި އާމިރް ހާންގެ 3 އިޑިއަޓްސް ފަހަތައް ޖައްސާލައި ބާހުބަލީ 2 މިވަނީ ކުރިހޯދާފައެވެ.

މެގްނަމް އޯޕަސް ރޭންކް އަށް ބަލާއިރު ބާހުބަލީ ވަނީ ފަސް ދުވަސް ތެރޭގައި 63 ކްރޯޑް ހޯދާފައެވެ. ދޫމް 3 އަދި ތްރީ އިޑިއަޓްސް ވަނީ ޓިކެޓް ވިއްކައިގެން ތިން މިލިއަން ޑޮލަރުހޯދާފައެވެ. އާމިރް ހާންގެ ޑަންގަލްއަށްފަހު ޖުމްލަ 1777 ކްރޯޑް ރުޕީސް އާއެކު ބާހުބަލީ 2 ވަނީ ދުނިޔޭގައި 2 ވަނައަށް އެންމެ ތަރުހީބު ލިބުނު އިންޑިއަން ފިލްމުގެ މަގާމު ހޯދާފައެވެ.

ބާހުބަލީ 2 ގައި ހަރަކާތްތެރި ވަނީ ޕްރަބާސް، ރާނާ ދަގުބަތީ، އަނުޝްކާ ޝެޓީ، ތަމަންނާ ބާޓިއާ، ރަމްޔާ ކްރިޝްނަން، ސަތްޔާރައި އަދި ނަސަރް އެވެ. ބާހުބަލީއަކީ އިންޑިއާގެ ސިނާމާތަކުގައި ދެވަނައަށް އެންމެ އަގުބޮޑު ފިލްމެވެ. ޖަޕާނުގައި ވެސް ވަނީ މި ފިލްމަށް ބޮޑު ތަރުހީބެއް ލިބިފައެވެ. ޗައިނާގެ 7000 ވުރެން ގިނަ ސްކްރީން ތަކުގައި އަޅުވާފައިވާ މި ފިލްމް ވަނީ 511 ކްރޯޑް އިންޑިއަން ރުޕީސް ލިބިފައެވެ.

ބޮކްސް އޮފީހުގެ އެންމެ ކުރީގައި އޮތުމުގެ އިތުރުން މި ފިލްމަށް ވަނީ ދެ ޤައުމީ އެވޯޑާއެކު ގިނަ އެވޯޑުތަކެއް ހޯދާފައެވެ.