ލޮކްޑައުންއަށްފަހު އެންމެ ގިނައިން ހުށައަޅާފައި ވަނީ ބޯހިޔާވަހިކަމާއި ގުޅޭ މައްސަލަތައް: ޖެންޑަރ
މިހާތަނަށް ބޯހިޔާވަހިކަން ފޯރުކޮށްދިނުމަށް އެދި 40 މައްސަލައެއް ހުށަހަޅާފައިވޭ
މަގުމަތިވެފައި ތިބި ބައެއް ފަރާތްތަކަށް އެހީތެރިކަން ފޯރުކޮށްދެނީ
ކޮވިޑް-19 ގެ ކޭސްތަކެއް ފެނުމާއި ގުޅިގެން މާލެ ސަރަހައްދު ލޮކްޑައުން ކުރުމާއި ގުޅިގެން އެންމެ ގިނައިން ހުށަހަޅާފައިވަނީ ބޯހިޔާވަހިކަމާއި ގުޅޭ މައްސަލަތައް ކަމަށް މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އިން ބުނެފިއެވެ.
ޖެންޑަރ މިނިސްޓްރީން ބުރާސްފަތި ދުވަހު އާއްމުކުރި ތަފާސްހިސާބުތަކަށް ބަލާލާއިރު މިހާތަނަށް ބޯހިޔާވަހިކަން ފޯރުކޮށްދިނުމަށް އެދި 40 މައްސަލައެއް ހުށަހަޅާފައިވެއެވެ. މާލެ ލޮކްޑައުން ކޮށްފައިވާ މި ދަނޑިވަޅުގައި ކުއްޔަށް އުޅޭ ފަރާތްތަކަށް ކުލި ނުދެއްކުމުގެ ސަބަބުން ގެތަކުން ބޭރުކުރާ މައްސަލަ ވަނީ ބޮޑުވެފައެވެ.
ލޮކްޑައުންއާއި ގުޅިގެން ހުށަހެޅިފައިވާ އިތުރު މައްސަލަތަކަށް ބަލާލާއިރު މިހާތަނަށް ކާބޯތަކެތީގެ އެހީތެރިކަމަށް އެދި 21 ފަރާތަކުން އެދި ހުށަހަޅާފައިވާ ކަމަށް މިނިސްޓްރީން ބުންޏެވެ. އަދި ދަތުރުފަތުރުގެ އިންތިޒާމު ހަމަޖައްސައިދިނުމަށް އެދި 25 ފަރާތަކުން ހުށަހަޅާފައިވާއިރު ބޭސްފަރުވާ އަދި ޞިއްޙީ އެހީތެރިކަން ފޯރުކޮށްދިނުމަށް އެދި 1 ފަރާތަކުން ހުށަހަޅާފައިވެއެވެެ. އަދި އެހެނިހެން 8 މައްސަލަ އެއްހުށަހަޅާފައިވާކަމަށް މިނިސްޓްރީން ބުންޏެވެ.
