ކޮވިޑް-19އާ ގުޅިގެން ޔުނިއިޓެޑް އަރަބް އެމިރޭޓްގައި ތާށިވެފައި ތިބި އެހެން ގައުމުތަކަށް ނިސްބަވްތާ މީހުން ގެންދިއުމަށް އެމިރޭޓްސް އިން ޚާއްސަ ދަތުރުތަކެއް ކުރުމަށް ނިންމައިފި އެވެ.

ޚަލީޖް ޓައިމްސްގައި ރިޕޯޓުކޮށްފައިވާގޮތުން ދުނިޔޭގެ އެކި ގައުމުތަކުގެ 08 ސިޓީއަށް އޭފްރީލް 24 އާއި 30 އާ ދެމެދު ދަތުރުތަކެއް ކުރުމަށް ޝެޑިއުލް ކޮށްފައިވެއެވެ.

މިދަތުރުތައް ކުރުމަށް ނިންމާފައި ވަނީ ޖަރމަނީގެ ފްރޭކްފަޓް، އިންޑޮނޭޝިއާގެ ޖަކާޓާ، ސައުތް އެފްރިކާގެ ޖޮހަނަސްބާޖް، ނައިޖީރިއާގެ ނާގޯސް، ލަންޑަންގެ ހީތްރޯ، ސްޕެއިންގެ މެޑްރިޑް، ފިލިޕިންގެ މަނީލާ އަދި ނޯތް އެފެރިކާގެ ތޫނިސްއަށް ދަތުރު ކުރުމަށް ނިންމާފައިވެއެވެ.

ޔުނިއިޓެޑް އަރަބް އެމިރޭޓްގައި ތިބި ޖޮހަނަސްބާޖް، ނާގޯސް އަދި ތޫނިސްގެ ރައްޔިތުން ގައުމަށް ދާން ބޭނުންވާ ނަމަ އެކަން އެގައުމުތަކުގެ ކޮންސިއުލޭޓްތަކަށް ގުޅައި ރިޕޯޓުކުރުމަށް އެދިފައިވެއެވެ. އަދި ޓިކެޓް އެމެރިޓޭސްގެ ވެބްސައިޓުން ބުކް ކުރެވޭނެ ކަމަށާއި، ޓްރެވަލް އެޖެންޓް މެދުވެރިކޮށް ވެސް ޓިކެޓް ނެގޭނެ ކަމަށް ރިޕޯޓުކޮށްފައިވެއެވެ.

އެމިރޭޓްސްއިން ބުނީ މިދަތުރުތަކަށް ދެވޭނީ މިސިޓީތަކަށް ނިސްބަތްވާ މީހުން ކަމަށެވެ. ދަތުރުކުރާއިރު، ސޯޝަލް ޑިސްޓެސް ބަހައްޓަންޖެހޭ ކަމަށާއި، ކޮންމެ މީހަކު ވެސް މާސްކް އަޅަންޖެހޭ ކަމަށް އެ އެއާލައިނުން ބުންޏެވެ. އަދި ދަތުރުވެރިން 03 ގަޑިއިރު ކުރިން ޗެކިން ވާން ޖެހޭ ކަމަށް ރިޕޯޓުކޮށްފައިވެއެވެ.

އެމިރޭޓްސްއިން ބުނީ ކޮންމެ ދަތުރަކަށްފަހު ފްލައިޓް ޑިސްއިންފެކްޓް ކުރުމުގެ މަސައްކަތް ކުރިއަށްދާނެ ކަމަށެވެ.