ކަރަންޓީން ފެސިލީޓިއެއްގައި ހުއްޓާ ހާލުބޮޑުވި މީހަކު އައިޖީއެމްއެޗްގައި ފަރުވާދެނިކޮށް މަރުވެއްޖެ
މި މީހާއަކީ ކޮވިޑް-19 އަށް ޕޮޒިޓިވްވި މީހެއް ނޫން
ޙުސައިން މަޚްތޫމް | 22 އެޕްރީލު 2020 | ބުދަ 11:43
ދަރުމަވަންތަ ހޮސްޕިޓަލް
އިންޑިއާއިން ގެނައި މީހުންގެ ތެރެއިން ކަރަންޓީން ފެސިލީޓިއެއްގައި ހުއްޓާ ހާލުބޮޑުވި މީހަކު އައިޖީއެމްއެޗްގައި ފަރުވާދެނިކޮށް މަރުވެއްޖެ ކަމަށް އައިޖީއެމްއެޗްގެ ޑރ. މޫސާ މުރާދު ވިދާޅުވެއްޖެ އެވެ.
ނެޝަނަލް އެމަރޖެންސީ އޮޕަރޭޝަން ސެންޓަރުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. މުރާދު ވިދާޅުވީ މި މީހާއަކީ އިންޑިއާއިން ރާއްޖެއަށް ގެނައި މީހުންގެ ތެރެއިން ކަރަންޓީން ފެސިލިޓީއަކަށް ގެންދިޔަ މީހެއް ކަމަށެވެ. އަދި އެމީހާގެ ހާލުބޮޑުވެގެން ފަހުން އައިޖީއެމްއެޗް އަށް ގެންދެވުނު ކަމަށާއި، އޭނާ އަށް އައިޖީއެމްއެޗްގައި އިތުރު ފަރުވާ ދެމުން ދިޔަ ކަމަށެވެ.
ޑރ. މުރާދު ވިދާޅުވީ އެމީހާ އަކީ ކޮވިޑް-19 އާއި ގުޅުން ހުރި މީހެއް ނޫން ކަމަށެވެ.
