ރާއްޖެ
ކޮވިޑް-19 މާލެ ސިޓީއިން ފެނުން
އިތުރު ދެ ދިވެއްސަކު ޕޮޒިޓިވް، ކޭސްތަކުގެ އަދަދު 86 އަށް
މާލެއިން ފެނިފައިވާ ކޭސްތަކުގެ އަދަދަކީ 66
އުމްނާ އިސްމާއިލް, ރާއްޖެ އެމްވީ | 21 އެޕްރީލު 2020 | އަންގާރަ 21:32
މާލޭގެ މަގުތައް މަތީގައި ފޭސް މާސްކުތަކެއް އަޅައިގެން ބަޔަކު ހިނގާ މަންޒަރު
ބަލީގެ އަލާމާތްތައް ފެނިގެން ފްލޫ ކްލިނިކަށް ދައްކަން ދިޔަ ދެ ދިވެއްސަކު ކޮވިޑް-19 އަށް ޕޮޒިޓިވްވެއްޖެ އެވެ.
މި ދެ މީހުންނާއެކު، މާލެއިން ފެނިފައިވާ ކޭސްތަކުގެ އަދަދު ވަނީ 66 އަކަށް އަރާފަ އެވެ. މި ދެ މީހުން މިހާރު އައިސޮލޭޝާން ފެސިލިޓީއަށް ގެންދިއުމުގެ މަސައްކަތްކުރަމުންދާ ކަމަށް އެޗްޕީއޭ އިން ވަނީ މައުލޫމާތު ދީފަ އެވެ.
މުޅި ރާއްޖެއިން ފެނުނު ކޭސްތަކުގެ އަދަދު މިވަނީ 86 އަކަށް އަރާފައެވެ. އޭގެ ތެރޭގައި ހިމެނެނީ 41 ދިވެއްސަކާއި، 45 ބިދޭސީއެކެވެ. މިހާތަނަށް ވައިރަސްއިން ރިކަވަރވީ މީހުންގެ ޖުމްލަ އަދަދަކީ 16 އެވެ. އަދި އިތުރު ދެ ކޭސްއަކީ ޕްރޮބަބަލް ކޭސްތަކުގެ ގޮތުގައި ގުނާއިރު، އެކްޓިވް ކޭސަސްގެ ޖުމްލަ އަދަދަކީ، 68 އެވެ.
