ހޯމަ ދުވަހު ކޮވިޑް-19އަށް ޕޮޒިޓިވްވި މީހުންގެ ތެރޭގައި 60 އަހަރުން މަތީގެ މީހެއް!
20 އެޕްރީލު 2020 | ހޯމަ 11:53ރާއްޖެއިން ކޮވިޑް-19 ގެ މުޅި ޖުމްލަ 60 ކޭސް މިހާތަނަށް ވަނީ ފެނިފައިވޭ
ނޫސްވެރިންގެ ބައްދަލުވުމުގައި ޑރ.ނަޒްލާ ރަފީގް ވާހަކަ ދައްކަވަނީ
ހޯމަ ދުވަހު ކޮވިޑް-19އަށް ޕޮޒިޓިވްވި މީހުންގެ ތެރޭގައި 60 އަހަރުން މަތީގެ މީހެއް ހިމެނޭ ކަމަށް ނެޝެނަލް އެމަޖެންސީ އޮޕަރޭޝަން ސެންޓަރު (އެންއީއޯސީ)ން ބުނެފިއެވެ.
މައުލޫމާތު ލިބިފައިވާ ގޮތުގައި ބައްޔަށް ޕޮސިޓިވް ވި 60 އަހަރުން މަތީގެ މީހަކީ ބަންގްލަދޭޝްގެ ރައްޔިތެކެވެ.
ކޮވިޑް-19ގެ އެންމެފަހުގެ މައުލޫމާތު ހިއްސާކުރުމަށް ހޯމަ ދުވަހުގެ މެންދުރުފަހު ބޭއްވި ނޫސްވެރިންގެ ބައްދަލުވުމުގައި ޑރ.ނަޒްލާ ރަފީގް ވިދާޅުވީ ހޯމަ ދުވަހު ޕޮޒިޓިވްވި މީހުންގެ ތެރޭގައި 60 އަަހަރުން މަތީގެ މީހެއް ހިމެނޭ ކަމަށެވެ.
މިއީ ދޮށީ އުމުރުގެ މީހަކު ބައްޔަށް ޕޮސިޓިވްވިކަން ރާއްޖޭގައި ރިޕޯޓު ކުރި ފުރަތަމަ ފަހަރެވެ.
ހޯމަ ދުވަހު އެކަނި ޕޮޒިޓިވި ކޭސްތަކާ ބެހޭ ގޮތުން ޑރ.ނަޒްލާ ތަފްސީލް ކޮށްދެއްވި މައުލޫމާތު:
ހޯމަ ދުވަހު މާލެސިޓީން 08 މީހަކު ޕޮޒިޓިވްވެފައި ވާއިރު، މިހާރު ޖުމްލަ މިއަދަދު 60 ށް އަރާފައެވެ. އަދި ކުރިއަށް އޮތް 14 ދުވަހުގެ ތެރޭގައި ރާއްޖޭއިން އިތުރު ކޭސްތައް ފެންނާނެ ކަމަށް ޑޮކްޓަރުންގެ ޓީމުން ހާމަކުރެއެވެ.
