މާލެއިން ކޮވިޑް-19 އަށް ޕޮޒިޓިވްވި މީހުންގެ ތެރޭގައި މާބަނޑު މީހަކު ހިމެނޭކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.
އެންއީއޯސީގައި ބާއްވަމުން އަންނަ ނޫސްވެރިންގެ ބައްދަލުވުމުގައި ތަރުޖަމާން މަބްރޫކް އަބްދުލް އަޒީޒް ވިދާޅުވީ ޕޮޒިޓިވްވި މީހުންގެ ތެރޭގައި 3 ކުޑަކުދިންވެސް ހިމެނޭކަމަށެވެ. ނަމަވެސް އުމުރުން ދުވަސްވީ މީހަކު ބައްޔަށް ޕޮޒިޓިވްވެފައިނުވާކަން މަބްރޫކް ފާހަގަކުރެއްވި އެވެ.
މާލޭގައި މިހާތަނަށް ކޮވިޑް-19 ގެ ތިން ކްލާސްޓަރ އެއް ވަނީ ފާހަގަކުރެވިފައެވެ. ފުރަތަމަ ކްލަސްޓަރ އަކީ މި މަހުގެ ފުރަތަމަ ދުވަހު ބައްޔަށް ޕޮޒިޓިވްވި ކޭސް އެވެ.
ފުރަތަމަ ކްލަސްޓަރ
- ކޭސް 21 (35 އަހަރުގެ އަންހެނެއް)
- ކޭސް 22 - ދެ އަހަރުގެ ކުއްޖެއް (21 ވަނަ ކޭސްގެ ދަރިފުޅު)
- ކޭސް 23 (42 އަހަރުގެ އަންހެނެއް)
- ކޭސް 24- 46 އަހަރުގެ ފިރިހެނެއް (ކޭސް 23 ގެ ފިރިމީހާ)
- ކޭސް 25 - 15 އަހަރުގެ ކުއްޖެއް (ކޭސް 23 އަދި 24 ދެމަފިރިންގެ ދަރިފުޅު)
- ކޭސް 26 ( 37 އަހަރުގެ އަންހެއް)
ދެވަނަ ކްލަސްޓަރ
- ކޭސް 27 ( 36 އަހަރުގެ އަންހެނެއް)
- ކޭސް 30 ( 33 އަހަރުގެ އަންހެނެއް)
- ކޭސް 29 ( 37 އަހަރުގެ ފިރިހެނެއް)
- ކޭސް 34 ( 24 އަހަރުގެ ފިރިހެނެއް)
- ކޭސް 32 - 32 އަހަރުގެ ފިރިހެނެއް (ކޭސް 30 ގެ ފިރިމީހާ)
ތިންވަނަ ކްލަސްޓަރ
- ކޭސް 28 (47 އަހަރުގެ ފިރިހެނެއް)
- ކޭސް 31- 37 އަހަރުގެ އަންހެނެއް (ކޭސް 28 ގެ އަންހެނުން)
- ކޭސް 33- 8 އަހަރުގެ ކުއްޖެއް (ކޭސް 28 އަދި 31 ގެ ދަރިފުޅު)
