ރާއްޖެ
މާލެއިން ކޮވިޑް-19 ފެނުން
މާލެއިން ޕޮޒިޓިވްވި މީހުންގެ ތެރޭގައި މާބަނޑު މީހެއް ހިމެނޭ
ޕޮޒިޓިވްވި މީހުންގެ ތެރޭގައި 3 ކުދިންވެސް ހިމެނޭ
އަލީ ސަމާޚް, ރާއްޖެ އެމްވީ | 18 އެޕްރީލު 2020 | ހޮނިހިރު 15:58
އެޗްޕީއޭގެ ޓީމަކުން ހަރަކާތްތެރިވަނީ
މާލެއިން ކޮވިޑް-19 އަށް ޕޮޒިޓިވްވި މީހުންގެ ތެރޭގައި މާބަނޑު މީހަކު ހިމެނޭކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.
އެންއީއޯސީގައި ބާއްވަމުން އަންނަ ނޫސްވެރިންގެ ބައްދަލުވުމުގައި ތަރުޖަމާން މަބްރޫކް އަބްދުލް އަޒީޒް ވިދާޅުވީ ޕޮޒިޓިވްވި މީހުންގެ ތެރޭގައި 3 ކުޑަކުދިންވެސް ހިމެނޭކަމަށެވެ. ނަމަވެސް އުމުރުން ދުވަސްވީ މީހަކު ބައްޔަށް ޕޮޒިޓިވްވެފައިނުވާކަން މަބްރޫކް ފާހަގަކުރެއްވި އެވެ.
މާލޭގައި މިހާތަނަށް ކޮވިޑް-19 ގެ ތިން ކްލާސްޓަރ އެއް ވަނީ ފާހަގަކުރެވިފައެވެ. ފުރަތަމަ ކްލަސްޓަރ އަކީ މި މަހުގެ ފުރަތަމަ ދުވަހު ބައްޔަށް ޕޮޒިޓިވްވި ކޭސް އެވެ.
