މޯލްޑްވިއަން އިން ކުރިއަށްގެންދާ އެތެރޭގެ ހުރިހާ އުދުހުންތަކެއް ހުއްޓާލައިފިއެވެ.

މާލެސިޓީ "ލޮކްޑައުން" ކޮށްފައިވަނީ 24 ގަޑިއިރުގެ މުއްދަތަކަށެވެ. އެޗްޕީއޭއިން ވަނީ މާލެސިޓީ "ލޮކްޑައުން" ހާލަތަކަށް ގެނެވިފައިވާ މި ދަނޑިވަޅުގައި، މާލެ ސިޓީގެ އެއްވެސް ސަރަހައްދެއްގައި ބަނދަރުކޮށްފައިވާ އެއްވެސް އުޅަނދެއްވެސް ފުރުމަކީވެސް މަނާކަމެއްކަމުގައި ކަނޑައަޅާފަ އެވެ.

މޯލްޑިވިއަން އިން ބުނީ ކޮވިޑް-19 އާ ގުޅިގެން މާލެސިޓީ "ލޮކްޑައުން" ޙާލަތަށް ގެނެސްފައިވާތީ އެޗް.ޕީ.އޭއިން ވަކި ގޮތަކަށް އަންގަންދެން އެތެރޭގެ އުދުހުންތައް މި ވަގުތަށް މެދުކަނޑާލާފައިވާ ކަމަށެވެ.

އެއަރޕޯޓުގެ ތަފާސް ހިސާބުތައް ދައްކާގޮތުން އެއަރޕޯޓުގެ އޮޕަރޭޝަންތައް މާރޗް މަހުގެ 27 ވަނަ ދުވަހު ހުއްޓާލި ފަހުން އެތެރޭގެ އުދުހުންތަކުގެ އަދަދުވެސް އޮތީ މަދުކޮށްފަ އެވެ. އެގޮތުން ޤައުމީ އެއާލައިން އިން ދަތުރުކުރާ އެތެރޭގެ ގިނަ މަންޒިލްތަކަށް ބާއްވަމުން ދިޔައީ ދުވާލަކު އެއް ފްލައިޓެވެ.