އެމެރިކާގެ ހަ ލައްކަ މީހުންނަށް ކޮވިޑް-19 ޖެހި އޭގެ ތެރެއިން 25،000 މީހުން މަރުވެއްޖެއެވެ.

އެންމެ ފަހުގެ އަދަދުތައް ދައްކާ ގޮތުން 603،694 މީހަކު ވަނީ ކޮވިޑް-19 އަށް ޕޮޒިޓިވްވެެފައެވެ. އެމެރިކާގެ ސިޓީތަކުގެ ތެރެއިން ކޮވިޑް-19 ގެ އަސަރު އެންމެ ބޮޑަށް ކޮށްފައިވާ ނިއުޔޯކް ސިޓީގެ 202،695 މީހަކު ބައްޔަށް ޕޮޒިޓިވްވެ ދިހަ ހާހަށްވުރެ ގިނަ މީހުން ވަނީ މަރުވެފައެވެ.

ނިއުޔޯކަށް ފަހު އެންމެ ބޮޑަށް ވައިރަސް ފެތުރެމުންދަނީ ނިއު ޖަރޒީ ސްްޓޭޓްގައެވެ. އެ ސްޓޭޓުން 68،824 ކޭސް އަންގާރަ ދުވަހާ ހަމަޔަށް ރިޕޯޓު ކޮށްފައިވާއިރު ފާއިތުވި 24 ގަޑިއިރު ތެރޭގައި 4،240 މީހަކު މަރުވެފައިވާ ކަމަށް ވަނީ ރިޕޯޓު ކުރެވިފައވެެ.

ތިން ވަނަ އަށް އެންމެ ގިނަ ކޭސް މަސަޗޫސެޓްސް އިން ރިޕޯޓު ކޮށްފައިވާއިރު ހަތަރު ވަނަ އަށް އެންމެ ގިނައިން ކޮވިޑް-19 ކޭސްތައް ރިޕޯޓުކުރީ މިޝިގަން ސްޓޭޓް އަދި ޕެންސިލްވޭނިއާއިންނެވެ. އޭޕްރީލް މަހާ އަޅާބަލާއިރު އެމެރިކާގައި ކޮވިޑް-19 އަށް ޕޮޒިޓިވްވާ މީހުންގެ ޢަދަދުވަނީ ތިން ގުނައަށް ވަނީ އިތުރުވެފައެވެ.

އަންގާރަ ދުވަހު ރައީސް ޑޮނަލްޑް ޓްރަމްޕް ވިދާޅުވެފައިވާ ގޮތުން ވަރަށް އަވަހަށް އެމެރިކާގެ ސައިންސްވެރިން ކޮވިޑް-19 ގެ ވެކްސިން އެއް އުފައްދާނެއެވެ.