އިތުރު ދިވެއްސަކު ކޮވިޑް-19 އަށް ޕޮޒިޓިވް ވެއްޖެ
12 އެޕްރީލު 2020 | އާދީއްތަ 05:47މި މިހާއަކީ މި ބައްޔަށް ޕޮޒިޓިވްވި 5 ވަނަ ދިވެހި މީހާ
ކޮވިޑް-19 އަށް ޓެސްޓްކުރުމުގެ މަސައްކަތް އައިޖީއެމްއެޗްގެ ލެބޯޓްރީގައި ކުރިއަށްގެންދަނީ
މިހާރު މުޅި ދުނިޔޭގައި ހަލުވިކަމާއި އެކު ފެތުރެމުންދާ ކޮވިޑް-19 ވައިރަސް އަށް އިތުރު ދިވެއްސަކު ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓުވީޓެއްގައި ބުނެފައިވަނީ އެރިޔަދޫ ކަރަންޓައިން ފެސިލިޓީ ގައި ކަރަންޓީނު ކުރެވިފައިވާ ދިވެއްސަކު ކޮވިޑް-19 އަށް ޕޮޒިޓިވްވެފައިވާކަމަށެވެ. އަދި އެމީހާއަކީ ފިލިޕީންސް އިން އެނބުރި އައި މިީހެއް ކަމަށްވެސް އެޗްޕީއޭއިން ބުނެއެވެ.
މިއީ، ކޮވިޑް-19އަށް ޕޮޒިޓިވްވި 5 ވަނަ ދިވެހި މީހާއެވެ.
ރާއްޖެއިން މިހާތަނަށް 20 މީހުން ކޮވިޑް 19 އަށް ޕޮޒިޓިވްވެފައިވާއިރު، އޭގެ ތެރެއިން 13 މީހުން ވަނީ ބަލިން ރަނގަޅުވެފައެވެ. އޭގެތެރޭގައި 4 މީހުންނަކީ އިނގިރޭސި ވިލާތުން އައި ދިވެހިންނެވެ. އަދި ދެ މީހުން މި ވައިރަސް އަށް ޕޮޒިޓިވް ވިކަން އެނގިފައިވަނީ އެމީހުން ގައުމަށް އެނބުރިދާން ފުރިފަހުންނެވެ.
