އިންޑިއާގައި ދިރިއުޅޭ 144 އާއިލާއަކަށް ކެއަރ ޕެކޭޖް
އެންމެ ގިނަވެގެން ފޮނުވެނި 15 ކިލޯގެ ތަކެތި
ކެއަރ ޕެކޭޖްތައް އިންޑިއާ އަށް ފޮނުވަން ހަމަޖެހިފައިވަނީ ހޮނިހިރު ދުވަހު
އިންޑިއާގެ ކޮޗިންގެ އިތުރުން ޓްރިވެންޑްރަމް ގައި ދިރިއުޅޭ ދިވެހި އާއިލާތަކަށް ކެއަރ ޕެކޭޖް ފޮނުވަން ހުޅުވާލި ފުރުސަތުގައި 154 އެޕްލިކޭޝަން އެޕްރޫވްކޮށް، 144 ކެއަރ ޕެކޭޖް ހަވާލު ކުރެވުނު ކަމަށް ފޮރިން މިނިސްޓްރީން ބުނެފިއެވެ.
ކެއަރ ޕެކޭޖްތައް އިންޑިއާ އަށް ފޮނުވަން ހަމަޖެހިފައިވަނީ ހޮނިހިރު ދުވަހު ޓްރިވެންޑްރަމް އަށްދާ މޯލްޑިވިއަންގެ ކާގޯ ފްލައިޓްގައެވެ. ފޮރިން މިނިސްޓްރީގެ ކޮމިއުނިކޭޝަން ޑިރެކްޓަރ މިއުވާން މުހައްމަދު ވިދާޅުވީ، އިންޑިއާ އަށް ފޮނުވާ ކެއަރ ޕެކޭޖް ތަކާއި ހަވާލު ކުރާނީ ޓްރިވެންޑްރަމް ގައި ހުންނަ ދިވެހި ކޮންސިއުލޭޓާ ކަމަށެވެ. އަދި ތަކެތި ލިބެންވާ ފަރާތްތަކާއި ހަވާލުކުރަނީ ކޮންސިއުލޭޓް ޖެނެރަލް ކަމަށް އޭނާ ވިދާޅުވިއެވެ.
ކެއަރ ޕެކޭޖްގެ ގޮތުގައި ކޮންމެ އާއިލާ އަކަށް ފޮނުވޭނީ 15 ކިލޯގެ ތަކެއްޗެެވެ. ފޮރިން މިނިސްޓްރީން ވަނީ މީގެ ކުރިން ސްރިލަންކާ އަދި މެލޭޝިޔާ ގައި ދިރިއުޅޭ ފަރާތްތަކަށް ކެއަރ ޕެކޭޖް ފޮނުވޭނެ އިންތިޒާމް ހަމަޖައްސައި ދީފައެވެ.
