ބޭރު ގައުމުތަކުގައި ތިބި ދިވެހިން ރާއްޖެ ގެނައުމަށް އަދި ގޮތެއް ހޯދިފައެއް ނުވޭ
3 އެޕްރީލު 2020 | ހުކުރު 04:58ގިނަ ބަޔަކު ދަނީ މިކަމާއި މެދު ކަންބޮޑުވުން ފާޅުކުރަމުން
މަބްރޫކް އަޒީޒް
ބޭރު ގައުމުތަކުގައި ތިބި ދިވެހިން ރާއްޖެ ގެނައުމަށް އަދި ގޮތެއް ހޯދިފައި ނުވާކަމަށް ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.
ބުރާސްފަތި ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ބޭރުގައުމުތަކުގައި ތިބި ދިވެހިން ރާއްޖެ ގެނައުމަށް އެމްބަސީތަކާއި ގުޅައިގެން ވާހަކަދައްކަމުންދާ ކަމަށެވެ.
އެހެންނަމަވެސް ހުރިހާ ކަމެއް ވަގުތުން ވަގުތަށް ނުވާކަން އެނގިވަޑައިގަންނަވާ ކަމަށެވެ. ކަންކަން ރަނގަޅުކުރުމަށް މަސައްކަތްކުރައްވާ ކަން ފާހަގަކުރައްވާ މަބްރޫކް ވިދާޅުވީ މިއަދާ ހަމައަށް އަދި އިތުރު ގޮތެއް ބޭރުގައުމުތަކުގައި ތިބި ދިވެހިން ރާއްޖެއަށް ގެނައުމުގައި ހޯދިފައިވާނުވާކަމަށެވެ.
މަބްރޫކް މިހެން ވިދާޅުވެފައިވާއިރު ރާއްޖެއިން ބޭރުގައި ތިބި ދިވެހިން، ޚާއްސަކޮށް، އިންޑިއާ އަދި ލަންކާގައި ތިބި ދިވެހިންނާއި މެދު އާއްމުންދަނީ ކަންބޮޑުވުން ފާޅުކުރަމުންނެވެ. އެގޮތުން މިފަދަ ފަރާތްތަކައް ސަރުކާރުން އެހީތެރިކަން ފޯރުކޮށްދިނުމުގެ ގޮތުން ސްރީލަންކާއަށް މޯލްޑިވިއަން އިން ކުރުމަށް ހަމަޖެހިފައިވާ ކާގޯ ފްލައިޓްތަކުގައި ދިވެހި ޢާއިލާތަކުން ފޮނުވަން ބޭނުންވާ ތަކެތި ހިލޭ، ފޮނުވޭނެ އިންތިޒާމް ސަރުކާރުން ވަނީ ހަމަޖައްސައިދީފައެވެ.
