އިންޑޮނީޝިއާގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށްފި
ހޯމަ ދުވަހުގެ ނިޔަލަށް އިންޑޮނީޝިއާއިން ކޮވިޑް-19 ގެ 122 ކޭސް ރިޕޯޓުކޮށްފައިވޭ
އިންޑޮނީޝިއާގެ ރައީސް އެގައުމުގެ މެޑިކަލް އިކުއިޕްމެންޓް ބައްލަވާލަނީ
އިންޑޮނީޝިއާގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށްފި އެވެ.
އިންޑޮނީޝިއާގައި ސިއްޙީ ކުއްލި ނުރައްކަލުގެ ހާލަތު އިއުލާނުކުރެއްވީ އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައި އެގައުމުގެ ރައީސް ޖޯކޯ ވިޑޯޑޯއެވެ.
ނޫސްވެރިންގެ ބައްދަލުވުމުގައި ވާހަކަދައްކަވަމުން ޖޫކޯ ވިދާޅުވީ ސިއްހީ ކުއްލި ނުރައްކަލުގެ ހާލަތު އިއުލާނުކުރެއްވީ ވަޒީރުންގެ މަޖިލީހުގެ ބައްދަލުވުމުގައި އެކަމާއި ގުޅިގެން މަޝްވަރާ ކުރެއްވުމަށްފަހު ކަމަށެވެ. އަދި އިޖްތިމާއީ ގައިދުރުކަން ދެމެހެއްޓުމަށް ފިޔަވަޅުތަކެއް އެޅުއްވުމަށް ނިންމަވާފައިވާކަމަށެވެ.
އިންޑޮނީޝިއާގެ ދައުލަތުގެ މީޑިއާ އިން ރިޕޯޓުކުރާ ގޮތުގައި އެގައުމުގެ ސިއްހަތާއި ބެހޭ ވުޒާރާއާއި ސަރަހައްދީ ލީޑަރުންނާއި ގުޅިގެން އިޖްތިމާއީ ގައިދުރުކަން ދެމެހެއްޓުމަށް ފިޔަވަޅުތަކެއް އަޅާނެއެވެ. މީގެއިތުރުން ބޭރުގައުމުތަކުން ދަތުރުކުރާ އިންޑޮނީޝިއާގެ ރައްޔިތުން ގައުމަށް އެނބުރި އައުމަށްފަހު 14 ދުވަހު ސެލްޕް އައިސޮލޭޝަން އަށް ދާން ޖެހޭނެކަމަށްވެސް ވިޑޯޑޯ ވިދާޅުވިއެވެ.
އިންޑޮނީޝިއާއިން ވަނީ ފަތުރުވެރިން އެގައުމަށް ދަތުރުނުކުރެވޭގޮތަށްވެސް ނިންމާފައެވެ.
ހޯމަ ދުވަހުގެ ނިޔަލަށް އިންޑޮނީޝިއާއިން ކޮވިޑް-19 ގެ 122 ކޭސް ރިޕޯޓުކޮށްފައިވެއެވެ.
