އިތުރު އެއް ހަފްތާއަށް ސަރުކާރު އޮފީސްތަކާއި ސްކޫލްތައް ބަންދުކުރަން ނިންމައިފި
25 މާރިޗު 2020 | ބުދަ 12:16މިކަން އިއުލާނުކުރެއްވީ ރައިސުލްޖުމްހޫރިއްޔާ އިބްރާހިމް މުހައްމަދު ސާލިހު
ހޫނު ޚަބަރު
އިތުރު އެއް ހަފްތާއަށް ސަރުކާރު އޮފީސްތަކާއި ސްކޫލްތައް ބަންދުކުރަން ނިންމައިފިއެވެ.
ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަދައްވަމުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ވިދާޅުވީ އަންނަ އާދީއްތަ ދުވަހުން ފެށިގެން، އިތުރު އެއް ހަފުތާގެ މުއްދަތަށް ސަރުކާރުގެ އޮފީސްތައް ބަންދުކުރުމަށް ނިންމާފައިވާ ކަމަށެވެ. އަދި އެ މުއްދަތުގެ ތެރޭގައި ސްކޫލްތަކާއި ޔުނިވަރސިޓީތަކާއި ކޮލެޖްތަކުގެ ކިޔެވުންވެސް ބަންދުވާނެ ކަމަށް އެމަނިކުފާނު ވިދާޅުވިއެވެ.
ސަރުކާރު އޮފީސްތަކާއި ސްކޫލްތައް ބަންދުކުރުމަށް ނިންމަވާފައިވާއިރު އެންމެ ފުރަތަމަ ކޮވިޑް-19 އާ ގުޅިގެން ސަރުކާރުގެ ސިޔާސީ މުވައްޒަފުންގެ މުސާރައިގެ ތެރެއިން 20 އިންސައްތަ އުނިކޮށް، ހަފުތާއެއްގެ މުއްދަތަށް ސަރުކާރުގެ އޮފީސްތައް ބަންދުކުރަން ސަރުކާރުން ނިންމީ މިދިޔަ ހަފްތާގެ އަންގާރަ ދުވަހުއެވެ.
ސްކޫލްތައް ބަންދުކުރަން އެންމެ ފުރަތަމަ 11 މާރޗުގައި ނިންމިއިރު އިތުރު ހަފްތާއަކަށް ސްކޫލް ބަންދުކުރަން 22 މާރޗުގައި ވެސް ނިންމާފައިވެއެވެ. އަދި އޭގެ ފަހުން ބުދަ ދުވަހު ސްކޫލްތައް އިތުރު ހަފްތާއަކަށް ބަންދުކުރަން މިވަނީ ނިންމާފައެވެ.
