ފަތުރުވެރިން ފިޔަވައި ވައިގެމަގުން ރާއްޖެ އަންނަ ހުރިހާ ފަރާތްތަަކެއް ކަރަންޓީނު ކުރުމަށް އަންގައިފި
21 މާރިޗު 2020 | ހޮނިހިރު 22:02ރާއްޖެއިން މިވައިރަސް އަށް 13 މީހަކު ވަނީ ޕޮޒިޓިވްވެފައި
އެއަރޕޯޓް
ފަތުރުވެރިން ފިޔަވައި ވައިގެ މަގުން ރާއްޖެ އަންނަ ހުރިހާ ފަރާތްތަކެއް ސަރުކާރުން ކަނޑައަޅާ ތަނެއްގައި 14 ދުވަހުގެ މުއްދަތަށް ކަރަންޓީނު ކުރުމަށް ހެލްތު ޕްރޮޓެކްޝަން އެޖެންސީ(އެޗްޕީއޭ) އިން އަންގައިފި އެވެ.
އެކަމާއި ގުޅިގެން އެޗްޕީއޭއިން އާންމުކޮށްފައިވާ ބަޔާނެއްގައި ބުނެފައިވަނީ ދިވެހިންނާއި އެކިއެކި ވިސާތަކުގައި ރާއްޖެއެތެރެވާ ހުރިހާ ފަރާތްތަކެއް ހިމެނޭ ގޮތަށް 14 ދުވަހުގެ މުއްދަތަށް ކަރަންޓީނުކުރަން ޖެހޭނެކަމަށެވެ. އެ ފިޔަވަޅުތަކަށް ފުރިހަމަޔަށް ޢަމަލުކުރުމަށް، އެންމެހައި އިދާރާތަކަށާއި ފަރާތްތަކަށް އަންގާކަމަށް ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއިކުރައްވާ ނެރެފައިވާ ބަޔާނުގައި ބުނެފައިވެ އެވެ. އަދި، މި އެންގުމާ ގުޅިގެން ދައުލަތުގެ ކަމާބެހޭ މުއައްސަސާތަކުން އަދާކުރަންޖެހޭ ޒިންމާތައްއަދާކުރުމުގެ ގޮތުން އަޅާ ފިޔަވަޅުތަކާއި ދޭ އިރުޝާދުތަކާ އެއްގޮތަށް ޢަމަލުކުރުމަށް އެންމެހައި ފަރާތްތަކަށް އަންގާކަމަށްވެސް މިބަޔާނުގައި ބުނެފައިވެއެވެ.
މި އެންގުމަށް ޢަމަލުކުރަން ފެށުމުން، އެޗްޕީއޭއިން 21 މަރޗްގައި ނެރެފައިވާ މިކަމާއި ގުޅޭ އެންގުން ބާތިލްވީކަމަށްވެސް މިބަޔާނުގައި ބުނެފައިވެ އެވެ.
ރާއްޖޭގައި ކޮވިޑް-19 ފެތުރުން ހުއްޓުވުމަށްޓަކައި ސަރުކާރުން އަންނަނީ ފިޔަވަޅުތައް އަަޅަމުންނެވެ. އެގޮތުން މިހާތަނަށް އާއިރު ރާއްޖެއިން އަޅާފައިވާ ފިޔަވަޅުތަކުގެ ތެރޭގައި ހިމެނެނީ:
މިހާތަނަށް އާއިރު ރާއްޖެއިން މިވައިރަސް އަށް 13 މީހަކު ވަނީ ޕޮޒިޓިވްވެފަ އެވެ. އަދި 3 މީހަކު ވަނީ ރަނގަޅުވެފަ އެވެ.
