ކޯވިޑް-19 އާ ގުޅިގެން ރަންވީރުގެ "83" ވެސް ފަސްކޮށްފި
މި ފިލްމްގައި ރަންވީރު ފެނިގެންދާނީ އިންޑިއާ ކްރިކެޓް ޓީމުގެ އޭރުގެ ކެޕްޓަން ކަޕިލް ދޭވްގެ ރޯލުން
ރަންވީރު ސިންގް އާއި ދިޕިކާ ޕަދުކޯން
ކޯވިޑް-19 އާ ގުޅުގެން އެކްޓަރ ރަންވީރު ސިންގްގެ އަންނަން އޮތް ފިލްމް "83" ރިލީޒް ކުރާ ދުވަސް ފަސްކޮށްފިއެވެ.
މި ފިލްމް ކުރިން ރިލީޒް ކުރުމަށް ހަމަޖެހިފައިވަނީ އަންނަ އެޕްރީލް މަހު އެވެ.
މި ފިލްމް އުފައްދާ ފަރާތްތަކުން ނެރެފައިވާ ބަޔާނެއްގައި ވަނީ ކޯވިޑް-19 އާ ގުޅިގެން މި ހާލަތުން އަރައިގަނެވެންދެން އެންމެންގެ ރައްކަލަކަށްޓަކައި ފިލްމް ރިލީޒް ކުރާދުވަސް ފަސްކޮށްފައިވާ ކަމަށެވެ. އަދި ފިލްމް ރިލީޒް ކުރާ ދުވަސް ފަހުން އިއުލާން ކުރާނެ ކަމަށް ވަނީ ބުނެފައެވެ.
ކަބީރް ޚާން ޑައިރެކްޓް ކުރާ މި ފިލްމްގައި ފެނިގެންދާނީ 1983 ވަނަ އަހަރު އިންޑިއާގެ ކްރިކެޓް ޓީމުން ކްރިކެޓް ވޯލްޑްކަޕް ކާމިޔާބު ކުރުމަށް ކުރި މަސައްކަތެވެ.
މި ފިލްމްގައި ރަންވީރު ފެނިގެންދާނީ އިންޑިއާ ކްރިކެޓް ޓީމުގެ އޭރުގެ ކެޕްޓަން ކަޕިލް ދޭވްގެ ރޯލުންނެވެ.
މި ފިލްމްގައި ސަޕޯޓިން ރޯލަކުން ރަންވީރުގެ އަންހެނުން އަދި ބޮލީވުޑްގެ ކާމިޔާބު ތަރި ދިޕިކާ ޕަދުކޯން ފެނިގެންދާނެއެވެ.
ދިޕިކާ މި ފިލްމްގައި އަދާ ކުރަނީ ކަޕިލްގެ އަންހެނުން ރޯމީ ދޭވް ގެ ރޯލުންނެވެ.
