މުޅި ދުނިޔޭގައި ބާރުކަމާއެކު ފެތުރެމުންދާ ކޮވިޑް-19 ގެ ބިރު އެންމެނަށް ވެސް އަބައޮތެވެ. ވަކި ނަސްލެއް އަދި ޝަހްހިއްޔަތަކަށް ނުބަލާ މި ވައިރަސް ދަނީ ފެތުރެމުންނެވެ.
އެގޮތުން ގައުމުތަކުގެ ލީޑަރުންނާއި ކުޅިވަރާއި މުނިފޫހިފިލުމުގެ ދާއިރާގެ މަޝްހޫރު ފަންނާނުންވެސް ކޮވިޑް-19 އަށް ޕޮޒިޓިވްވެފައިވެއެވެ.
ސިޔާސީ ފަރާތްތައް
- ސިޔާސީ މައިދާނަށް ބަލާއިރު ކޮރޯނާ ވައިރަސްއާ ގުޅިގެން މިހާތަނަށް ކަރަންޓީނުކޮށްފައިވާ ގައުމެއްގެ އެންމެ އިސް ލީޑަރަކީ ކެނެޑާގެ ބޮޑު ވަޒީރު ޖަސްޓިން ޓްރޫޑޯއެވެ. އެ މަނިކުފާނު 14 ދުވަހަށް ކަރަންޓީނުކޮށްފައިވަނީ އަނބިކަނބަލުން، ސޯފީ ކޮވިޑް-19 އަށް ޕޮޒިޓިވް ވުމުންނެވެ.
- ސްޕެއިންގެ ރަސްގެފާނު ފިލިޕް VI އާއި އަނބިކަނބަލުން، ރާނީ ލެޓީޒިއާ، ކޮވިޑް-19 އަށް ނެގެޓިވްވި ނަމަވެސް ތިއްބެވީ މޮނީޓަރިންގައެވެ.
- އިރާންގެ ސަރުކާރުގެ ގިނަ ފަރާތްތައް ވެސް ވައިރަސްއަށް ޕޮޒިޓިވްވެފައިވާއިރު، އޭގެ ތެރޭގައި ނައިބު ރައީސް އާއި ހެލްތު މިނިސްޓަރުގެ ނައިބު ހިމެނިވަޑައިގަންނަވައެވެ.
- ސްޕެއިންގެ އީކުއަލިޓީ މިނިސްޓަރ އައިރީން މޮންޓެރޯ ކޮވިޑް-19 އަށް ޕޮޒިޓިވް ވެފައިވާއިރު، އެކަމަނާއާއި ލޯބިވެރިޔާ، އެ ގައުމުގެ ބޮޑު ވަޒީރުގެ ނައިބު ޕަބްލޯ އިގްލީސިއަސް ވަނީ ކަރަންޓީނު ކުރެވިފައެވެ.
- ފްރާންސްގެ ކަލްޗަރ މިނިސްޓަރ ފްރޭންކް ރައިސްޓަރ ވެސް ވަނީ ޕޮޒިޓިވްވެފައެވެ.
- ކޮވިޑް-19 އަށް ޕޮޒިޓިވްވުމާ ގުޅިގެން އޮސްޓްރޭލިއާގެ ކުރީގެ ހޯމް އެފެއާޒް މިނިސްޓަރ ޕީޓާރ ޑަޓަން ވަނީ ހޮސްޕިޓަލްގައި އެޑްމިޓް ކުރެވިފައެވެ.
ކުޅިވަރު
- އޭސެނަލްގެ މެނޭޖަރ، މިކެލް އާޓޭޓާ
- ޗލްސީގެ ކެލަމް ހަޑްސަން-އޮޑޮއި
- ޔުވެންޓަސްގެ ޑެނިއަލް ރުގާނީ
- ކްލަބް ވެލެންސިއާގެ ފަސް ކުޅުންތެރިން
- އެމެރިކޭގެ އެންބީއޭގެ ޔުޓާ ޖޭޒްގެ ދެ ކުޅުންތެރިން: ރޫޑީ ގޮބަރޓްއާއި ޑޮނޮވަން މިޗެލް
- ސައިކްލިސްޓުން ފަނެންޑޯ ގަވީރިއާ (ކޮލޮމްބިއާ) އާއި ޑިމިޓްރީ ސްޓަރަކޯވް (ރަޝިއާ)
މުނިފޫހި
- އެމެރިކާގެ ފިލްމީ ތަރި ޓޮމް ހޭންކްސްއާއި އޭނާގެ އަންހެނުނ ރީޓާ ވިލްސަން ކޮވިޑް-19 އަށް ޓެސްޓްކޮށް ޕޮޒިޓިވްވެފައިވަނީ އޮސްޓްރޭލިއާގައި، ދެ މީހުންވެސް ވަނީ ކަރަންޓީނުގައެވެ.
- އިނގިރޭސިވިލާތަށް ނިސްބަތްވާ ފިލްމީ ތަރި އިޑްރިސް އެލްބާ؛ އެލްބާ ބުނީ އޭނާ ކޮވޮޑް-19 އަށް ޓެސްޓް ކުރީ އޭނާ ދަތުރުކޮށްފައިވާ ސަރަހައްދުތަކުން މީހުން ޕޮޒިޓިވްވެފައިވާކަން އެނގުމުންކަމަށާއި އޭނާގެ އެއްވެސް އަލާމާތެއް ހުރެގެން ނޫންކަމަށެވެ.
- ތައިލެންޑްގެ ޓީވީ ތަރި މެތިއު ޑީން
