ހިތްވަރާއެކު މަސައްކަތްކޮށް، ގައުމުތަކުގެ އެހީއާއިއެކު މިހާލަތުން އަރައިގަނެވޭނެ: ޝާހިދު
އެހެން ވިދާޅުވީ، ސީއެންބީސީ އަށް ދެއްވި އިންޓަރވިއުއަކަށްފަހު ކުރެއްވި ޓްވީޓެއްގައި
ފޮރިން މިނިސްޓަރު އަބްދުﷲ ޝާހިދު
އަދުގެ ހާލަތު ބަނަވެފައި، ކުރިއަށް ލަފާކުރެވިފައި އޮތީ ނުތަނަވަސްކަން އިހުސާސްވާ ދުވަސްތަކަކަށް ވީނަމަވެސް، ހިތްވަރާ އަޒުމާއެކު، ހިކުމަތްތެރިކަމާއެކު، އަދި އެކުވެރި ގައުމުތަކުގެ އެހީއާއެކު ﷲގެ ހެޔޮ ރަހުމަތްފުޅުން ދިވެހިން ކުރިންވެސް ސާބިތުކޮށްދީފައިވާ ފަދައިން މިހާލަތު ބަދަލުކުރެވޭނެ ކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެ އެވެ.
މިނިސްޓަރ ޝާހިދު މިހެން ވިދާޅުވީ ދުނިޔޭގައި މިހާރު ފެތުރެމުންދާ ކޮވިޑް-19 ރޯގާގެ ސަބަބުން ރާއްޖެއަށް ކުރާ އަސަރުތަކާ ބެހޭ ގޮތުން ސީއެންބީސީ އަށް ދެއްވި އިންޓަރވިއުއަކަށްފަހު ކުރެއްވި ޓްވީޓެއްގަ އެވެ. މި އިންޓަރވިއުގަވެސް މިފަދަ މޭރުމަކުން މިނިސްޓަރ ޝާހިދު ވަނީ ވާހަކަފުޅު ދައްކަވާފަ އެވެ.
އިންޓަރވިއުގައި މިނިސްޓަރ ވިދާޅުވީ ރޯގާއާއި، ރޯގާގެ ސަބަބުން ކުރިމަތިވާ ގޮންޖެހުންތަކުން އަރައިގަނެވޭނީ އެންމެން އެކުގައި މަސައްކަތްކޮށްގެން ކަމަށެވެ. ރާއްޖޭގެ އިގްތިސާދަށް ބޮޑު އާމްދަނީއެއް ހޯދާ ދާއިރާއަކަށް ފަތުރުވެރިކަމުގެ ސިނާއަތުވާއިރު، ރާއްޖެއިން ކޮވިޑް-19 ޕޮޒިޓިވް ކޭސްއެއް ފެނުމުގެ މާކުރިންވެސް ރާއްޖޭގެ ފަތުރުވެރިކަމަށް އަސަރުކުރި ކަމަށާއި، މިހާރުގެ އަންޒާދާތައް ދައްކާ ގޮތުން ފަތުރުވެރިކަމަށް 35 އިންސައްތައިގެ ދަށްވުމެއް އަންނާނެ ކަމަށެވެ. އަދި މިފަދައިން ކަންތައް ދިމާވެއްޖެނަމަ އޭގެ ސަބަބުން ދައުލަތުގެ އާމްދަނީއިން 446.6 ބިލިއަން ޑޮލަރާއި ގާތްކުރާ އަދަދަކަށް ގެއްލުން ވެދާނެކަމުގެ ބިރު އެބައޮތްކަމަށް މިނިސްޓަރ ވިދާޅުވިއެވެ.
އަދި މީގެ އިތުރުން ރާއްޖޭގެ ސިއްހީ ދާއިރާއަށް މި ދަނޑިވަޅުގައިވެސް އިތުރު އެހީތެރިކަން ބޭނުންވާކަމަށް މިނިސްޓަރ ވިދާޅުވިއެވެ.
