ކަރެކްޝަންސް މުވައްޒަފުންނަށް ހަމަލާދިން މައްސަލަ ސީރިއަސް މައްސަލައެއްގެ ގޮތުގައި ބަލަންފަށައިފި
15 މާރިޗު 2020 | އާދީއްތަ 17:22ހަމަލާދީފައިވަނީ މާޗް 14 ވަނަ ދުވަހުގެ ރޭގެ ވަގުތެއްގަ
މޯލްޑިވްސް ކަރެކްޝަންސް ސަރވިސް
މޯލްޑިވްސް ކަރެކްޝަންސް ސަރވިސް (އެމްސީއެސް)ގެ ބައެއް މުވައްޒަފުންނަށް ހަމަލާ ދިން މައްސަލަ ވަރަށް ސީރިއަސް މައްސަލައެއްގެ ގޮތުގައި ދަނީ ބަލަމުން ދާ ކަމަށް އެ ސަރވިސް އިން ބުނެފިއެވެ.
ކަރެކްޝަންސްގެ ބައެއް މުވައްޒަފުންނަށާއި މުދަލަށާއި އަދި އިމާރާތަށް ހަމަލާދީފައިވަނީ މާޗް 14 ވަނަ ދުވަހުގެރޭގެ ވަގުތެއްގައެވެ.
މި މައްސަލައާއި ގުޅިގެން ކަރެކްޝަންސް އިން ބުނީ އެހަމަލާގެ މައްސަލަ ދަނީ ވަރަށް ސީރިއަސް މައްސަލައެއްގެ ގޮތުގައި ބަލަމުން ކަމަށެވެ. އަދި އެމްސީއެސް އިން ބޭނުންވެއްޖެ ހިނދެއްގައި މޯލްޑިވްސް ޕޮލިސް ސަރވިސްގެ އެހީތެރިކަން އަބަދުވެސް ލިބޭނެ ކަމުގެ ޔަގީންކަން އެ ސަރވިސް އަށް އަރުވާފައިވާކަމަށެވެ.
ކަރެކްޝަންސް އިން ވަނީ ކޮވިޑް-19 އާއި ގުޅިގެން ދިވެހި ރާއްޖެ ނާޒުކު ފައްތަރެއްގައި އޮތް ދަނޑިވަޅުގައި މި ބަލި ފެތުރުނަ ނުދިނުމަށް ކަމާއިބެހޭ އިދާރާތަކުން ވެސް އަޅަން ޖެހޭ ފިޔަވަޅުތައް އަޅަމުންދާއިރު އެންމެން ގުޅިގެން މަސައްކަތް ކުރުރުމަށް އިލްތިމާސްކޮށްފައެވެ.
