ދެގެ ދޭތެރޭގައި ހުރި ކުނިތަކެއްގައި ރޯވެ އަލިފާނުގެ ހާދިސާއެއް ހިނގައިފި
22 ފެބުރުއަރީ 2020 | ހޮނިހިރު 10:45އަލިފާނުގެ ހާދިސާ ހިނގާފައިވަނީ ހ. އާގަދަގެއާއި ހ. ކުއީން އޮފް ދަ ނައިޓް، ދެ އިމާރާތުގެ ދޭތެރޭގައި ހުރި ކުނިތަކެއްގައި
އަލިފާން ނިއްވުމުގެ މަސައްކަތް އެމްއެންޑީއެފުން ކުރަނީ
ހެންވޭރު 2 ގެއެއްގެ ދޭތެރޭގައި ހުރި ކުނިތަކެއްގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު އިން ނިއްވާލައިފިއެވެ.
އެމްއެންޑިއެފުން ބުނީ ހެންވޭރު 2 ގެއެއްގެ ދޭތެރޭގައި ހުރި ކުނިތަކެއްގެ ރޯވިކަމުގެ ރިޕޯޓު ލިބުނީ ހޮނިހިރު ދުވަހުގެ ހެނދުނުގެ ވަގުތެއްގައި ކަމަށެވެ. އަދި އެމްއެންޑިއެފް ފަޔަރ އެންޑް ރެސްކިއު އިން އެތަނަށް ގޮސް އަލިފާން ނިއްވާލާފައިވާ ކަމަށް އެމްއެންޑީއެފުން ބުނެއެވެ.
އެމްއެންޑިއެފުން ބުނީ އަލިފާނުގެ ޙާދިސާ ހިނގާފައިވަނީ ހ. އާގަދަގެއާއި ހ. ކުއީން އޮފް ދަ ނައިޓް، ދެ އިމާރާތުގެ ދޭތެރޭގައި ހުރި ކުނިތަކެއްގައި ކަމަށެވެ. މި ދެގެ އަކީ އިންވެގެން ހުންނަ ދެގެއެވެ. އަދި އެ ދެ ގެ ދޭތެރޭގައި ހުރީ ހަނި ދޭތެރެއެކެވެ.
