އަންގާރަ 07 އޭޕުރިލް 2020
13 ރޭވަ
1441 ޝައުބާން 14
ފަތިސް 04:50
އިރުއަރާ 06:02
މެންދުރު 12:12
އަސްރު 15:15
މަޣްރިބް 18:15
އިޝާ 19:27
ކުޅިވަރު - ރާޒުވާ ކުޅުމުގެ ގައުމީ މުބާރާތް

ރާޒުވާ ކުޅުމުގެ ގައުމީ މުބާރާތުގެ ޗެމްޕިއަންކަން މިފަހަރުވެސް ނިހާޔާއަށް

  • ނިހާޔާ މި މުބާރާތް ކާމިޔާބުކުރީ މެޗަކުން ބަލިނުވެ

އިސްމާޢީލް ޝާހް
ismaelschurh

ކ. މާލެ | 20 ފެބްރުއަރީ 2020 | ބުރާސްފަތި 19:07 | 2,087

މުބާރާރުގެ ޗެމްޕިއަންކަން މިއަހަރުވެސް ހޯދި ނިހާޔާ އަހުމަދު - ރައީސް އޮފީސް

ރާޒުވާ ކުޅުމުގެ ގައުމީ މުބާރާތުގެ އަންހެން ބައިގެ ޗެމްޕިއަންކަން މިއަހަރުވެސް ނިހާޔާ އަހުމަދު ހޯދައިފިއެވެ.

މިއީ އުމުރުން 20 އަހަރުގެ ނިހާޔާ މި މުބާރާތުގެ ޗެމްޕިއަންކަން ޖެހިޖެހިގެން ހޯދި ހަވަނަ އަހަރެވެ. ނިހާޔާ ވަނީ މިމުބާރާތް 2014، 2015، 2017، 2018 އަދި 2019 ވަނަ އަހަރުވެސް ކާމިޔާބުކޮށްފައެވެ. މި މުބާރާތް 2016 ވަނަ އަހަރު ބާއްވާފައެއް ނުވެއެވެ.

މިއަހަރުގެ މުބާރާތް ނިހާޔާ ކާމިޔާބުކުރީ އެއްވެސް މެޗަކުން ބަލިނުވެއެވެ. އަންހެން ބައިގައި 16 ކުޅުންތެރިން ވާދަކުރިއިރު، ނިހާޔާ ވަނީ މުބާރާތުގައި ކުޅުނު 10 މެޗުގެ ތެރެއިން 9 މެޗުން މޮޅުވެފައެވެ. އަނެއް މެޗުން އޭނާ ވަނީ އެއްވަރުވެފައެވެ.

މި މުބާރާތް ނިންމުމުގެ ހަފުލާ ބުދަ ދުވަހުގެރޭ ގައުމީ ރާޒުވާ އާކެޑުގައި ކުރިއަށް ގެންދިޔައިރު، މި ހަފުލާ ޝަރަފުވެރި ކޮށްދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމެވެ.

މި އަހަރު މި ކުރިއަށްގެންދިޔަ ގައުމީ ރާޒުވާ މުބާރާތަކީ މޯލްޑިވްސް ޗެސް އެސޯސިއޭޝަނުން 2019 ވަނަ އަހަރު އެކުލަވާލެވުނު ހިންގާ ކޮމެޓީން އިންތިޒާމުކޮށްގެން މިހާތަނަށް ބޭއްވި ދެވަނަ މުބާރާތެވެ. ހުޅުމާލެ ސްޕޯޓްސް ކޮމްޕްލެކްސްގައި ގައުމީ ރާޒުވާ އާކެޑް ހުޅުވާފައިވަނީ މިދިޔަ އަހަރު އެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.