ހާލުގައި ޖެހުނު ލަންކާ މަސްބޯޓު ހުޅުމާލެ ގެނެސްފި
ބޯޓުގައި ތިބި އެންމެންގެ ހާލު ރަނގަޅު
އެޔާދާކަމަށް ރިޕޯޓުކުރި މަސްބޯޓު
އިންޖީނު ހުއްޓިގެން ހާލުގައި ޖެހުނު ލަންކާގެ މަސްބޯޓަކަށް މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް) ގެ އެހީތެރިކަމާއެކު ހުޅުމާލެ ގެނެސްފިއެވެ.
މި ބޯޓު މާލޭގެ އިރުން 199 ނޯޓިކަލް މޭލު ބޭރުން އޮޔާދާކަމުގެ މައުލޫމާތު، އެމްއެންޑީއެފްއަށް ލިބިފައިވަނީ ޖެނުއަރީ މަހުގެ 23 ވަނަ ދުވަހުގެ 17:00 ގައެވެ. މިކަމާއި ގުޅޭ އެންމެ ފަހުގެ މައުލޫމާތު ހިއްސާކުރަމުން އެމްއެންޑީއެފުން ބުނެފައިވަނީ، ލަންކާގެ 6 މަސްވެރިންނާއިއެކު ހާލުގައި ޖެހުނު މަސްބޯޓު ކޯސްގާޑްގެ އެހީތެރިކަމާއެކު އަންގާރަ ދުވަހުގެ ހެނދުނު 6:10 ހާއިރު ހުޅުމާލެ ގެނެވިފައިވާކަމަށެވެ.
އެ ހާދިސާގެ މައުލޫމާތު ލިބުމާއި ގުޅިގެން އެމްއާރުސީސީން ބޯޓު މޮނިޓަރ ކުުރަމުން ދިޔައިރު އެމްއެންޑީއެފުން ބުނީ އެ ބޯޓުގައި ތިބި އެންމެންގެ ހާލު ރަނގަޅު ކަމަށެވެ.
