ކޮރޯނާވައިރަސްގެ ސަބަބުން ޝަންހާއީގައި ހުރި ކުންފުނިތައް ފެބްރުއަރީ 9 ގެ ކުރިން ނުހުޅެވޭނެ
ސަރުކާރާއި ސަރުކާރު ނޫން އަމިއްލަ ކުންފުނިތަކަށްވެސް މިއުސޫލު ގާއިމުވެގެންދާނެ
ޝަންހާއީގައި ވަނީ ސަރވޭލެންސް ކެމެރާ ހަރުކޮށްފައި
ޝަންހާއީގެ ސަރުކާރުން ހާމަކުރާގޮތުގައި ކޮރޯނާވައިރަސްގެ ސަބަބުން ކުންފުނިތައް އަންނަ ފެބްރުއަރީ މަހުގެ 9 ވަނަ ދުވަހުގެ ކުރިން ނުހުޅެވޭނެ އެވެ.
އެކަން ހާމަކޮށްފައިވަނީ ހޯމަ ދުވަހު ޝަންހާއީގެ މުނިސިޕަލްޓީ އޮފިޝަލުން ބޭއްވި ނޫސްވެރިންގެ ބައްދަލުވުމެއްގައެވެ. ސަރުކާރާއި، ސަރުކާރު ނޫން އަމިއްލަ ކުންފުނިތަކަށްވެސް މިއުޞޫލު ޤާއިމުވެގެންދާނެ ކަމަށް އޮފިޝަލް ވަނީ ބުނެފަ އެވެ. ނަމަވެސް ޒަރޫރީ ބޭނުންތައް ފޯރުކޮށްދޭ ތަންތަނާއި ޞިއްޙަތާއި ބެހޭ އެކިއެކި މަސައްކަތް ކުރާ ކުންފުނިތަކަށް ބޭހާއި ގުޅުންހުރި މަސައްކަތްކުރާ ތަންތަނަށް މިއުޞޫލު ނުހިނގާނެ ކަމަށް އޮފިޝަލް ވަނީ ބުނެފަ އެވެ.
ކޮރޯނާ ވައިރަސްގެ އަސަރު އެންމެ ފުރަތަމަ ފެނުނު އަދި މިހާރުވެސް އެންމެ ބާރަށް މިވައިރަސް ފެތުރެމުންދާ ޗައިނާއިން ވަނީ އެޤައުމުގެ އައު އަހަރާ ގުޅިގެން ދީފައިވާ ޗުއްޓީ ފެބްރުއަރީ މަހުގެ 2 ވަނަ ދުވަހާ ހަމައަށް އިތުރުކޮށްފަ އެވެ. މިއީ ކޮރޯނާވައިރަސް ކޮންޓްރޯލް ކޮށް އެކަމަށް އަޅަންޖެހޭ ފިޔަވަޅުތައް އެޅުމަށްކަމަށް ޗައިނާ ސަރުކާރުން ވަނީ ބުނެފަ އެވެ.
