ސީޕީ އަޙްމަދު މުޙައްމަދު ފުޅު މާލެ ޖަލުގެ މަސައްކަތްތައް ބައްލަވައިފި
ސީޕީގެ މި ޒިޔާރަތުގައި ވަނީ ޖަލުގެ މަސައްކަތްތައް ބައްލަވައި އޮފިސަރުންނާ ބައްދަލުކުރައްވާފައިވޭ
އޮފިސަރުންނާއި ބައްދަލު ކުރައްވަނީ
ކޮމިޝަނަރ އޮފް ޕްރިޒަންސް އަޙްމަދު މުޙައްމަދު ފުޅު މާލެ ޖަލަށް ޒިޔާރާތް ކުރައްވައި ޖަލުގެ މަސައްކަތްތައް ބައްލަވާލައްވައިފިއެވެ.
ސީޕީގެ މި ޒިޔާރަތުގައި ވަނީ ޖަލުގެ މަސައްކަތްތައް ބައްލަވައި އޮފިސަރުންނާ ބައްދަލުކުރައްވާފައިވެއެވެ.
ކޮމިޝަނަރ އޮފް ޕްރިޒަންސްގެ މަޤާމަށް އަޙްމަދު މުޙައްމަދު ފުޅު ޢައްޔަނުކުރޭއްވީ، ކުރިން އެމަޤާމުގައި ހުންނެވި ޢަބްދުﷲ މުނާޒް އެ މަޤާމުން ވަކިކުރުމަށްފަހުއެވެ. މުނާޒު މަޤާމުން ވަކިކޮށްފައިވަނީ މިމަހުގެ 21 ވަނަ ދުވަހު އެވެ.
މުނާޒް މަޤާމުން ވަކިކޮށްފައިވާއިރު، ދާދި ފަހުން ޖަލުގައި ހިނގައި ދިޔަ ހަމަނުޖެހުންތަކާއި ގުޅިގެން މުނާޒަށް ވަނީ ބޮޑެތި ފާޑުކިއުންތަކެއް ޢާމާޒުވެފައެވެ. އެގޮތުން ޖަލުތަކުގެ ޙާލަތު ރަނގަޅު ކުރުމުގެ ވަޢުދާއެކު އައި ސަރުކާރުގެ ސިޔާސަތުތައް ތަންފީޒު ކުރުމުގައި މުނާޒް ނުކުޅެދިފައިވާކަމަށް ބުނެ ގިނަ ބަޔަކު ވަނީ ފާއިތުވި ދުވަސްތަކުގައި މުނާޒާއި ދެކޮޅަށް އަޑުއުފުލާފައެވެ.
ޖަލުގެ ޙާލަތު ރަނގަޅުކޮށް ކަރެކްޝަންސްގެ ކަންކަން ވަރުގަދަ ކުރައްވާ ތަނުގެ ކެޕޭސިޓީ އިތުކުރުމަށް މަސައްކަތްކުރައްވާނެކަމަށް ސީޕީ އަހުމަދު މުހައްމަދު ފުޅު ވިދާޅުވެފައިވެއެވެ.
