ބޮޑުތިލަދުންމަތީގައި ހިމާޔަތްކޮށްފައިވާ ސަރަހައްދުތަކުގެ މެނޭޖްމަންޓް ޕްލޭން އެކުލަވާލުމަށް ސިލްސިލާ ބައްދަލުވުންތަކެއް
26 ޖެނުއަރީ 2020 | އާދީއްތަ 02:16ބޮޑުތިލަދުންމަތިން ހިމާޔަތްކޮށްފައިވާ 15 ސަރަހައްދުގެ ތެރެއިން ކޮންމެ ސަރަހައްދަކަށް މެނޭޖްމަންޓް ޕްލޭނެއް އެކުލަވާލާނެ
އިހަވަންދިއްޕޮޅުގައި ހިމާޔަތްކޮށްފައިވާ ސަރަހައްދުތަކާއި ގުޅޭގޮތުން ކުރިޔަށްގެންދިޔަ ވޯރކްޝޮޕް
ތިމާވެށީގެ ގޮތުން ބޮޑުތިލަދުންމަތިން ހިމާޔަތްކޮށްފައިވާ ސަރަހައްދުތައް ދެމެހެއްޓެނިވިގޮތެއްގައި ބެލެހެއްޓުމުގެ އިންތިޒާމުތައް ހަމަޖައްސާނެ ގޮތަކާ ގުޅޭގޮތުން އެ ސަރަހައްދުގެ ރައްޔިތުންނާ ބައްދަލުކޮށް މަޝްވަރާކުރުމަށްޓަކައި އެންވަޔަރަންމަންޓް މިނިސްޓްރީއާއި ކަމާއިގުޅޭ ވުޒާރާތަކާއި އެލް.ޖީ.އޭ އިން ބޮޑުތިލަދުންމަތީގައި ސިލްސިލާ މަސައްކަތު ބައްދަލުވުންތަކެއް ފައްޓަވައިފިއެވެ.
އެންވަޔަރަންމަންޓް މިނިސްޓްރީން ހާމަކުރާ ގޮތުގައި މި މަސައްކަތު ބައްދަލުވުންތަކުގެ މަޤްސަދަކީ މި ސަރަހައްދުގެ ރައްޔިތުންގެ މަޝްވަރާއާއި އެކު ބޮޑުތިލަދުންމަތިން ހިމާޔަތްކޮށްފައިވާ 15 ސަރަހައްދުގެ ތެރެއިން ކޮންމެ ސަރަހައްދަކަށް މެނޭޖްމަންޓް ޕްލޭނެއް އެކުލަވާލުމުވެ. މިގޮތުން، މި ސިލްސިލާގެ ފުރަތަމަ ބައްދަލުވުން ހއ. ހޯރަފުށީގައި 25 ޖަނަވަރީ ގައިވަނީ ބާއްވާފައެވެ. މި ބައްދަލުވުމުގައި އިހަވަންދިއްޕޮޅުގައި ހިމާޔަތްކޮށްފައި އޮންނަ ބިލެއްދޫ ތިލައާއި ގައްލަންދޫ އަށް މެނޭޖްމަންޓް ޕްލޭނެއް އެކުލަވާލުމަށްޓަކައި އިހަވަންދޮއްޕޮޅުގެ ކައުންސިލްތަކާއި ކަމާއިގުޅޭ ފަރާތްތަކާއި މަޝްވަރާކުރެވިފައިވާކަމަށް މިނިސްޓްރީން ބުނެއެވެ. މިގޮތުން ތުރާކުނު، އުލިގަމު، މޮޅަދޫ، އިހަވަންދޫ އަދި ހޯރަފުށީގެ ކަމާއިގުޅޭ ފަރާތްތަކުން ބައިވެރިވެ މަޝްވަރާކޮށްފައިވާ ކަމަށް މިނިސްޓްރީން ބުނެއެވެ.
އެންވަޔަރަންމަންޓް މިނިސްޓްރީއާއި ކަމާއިގުޅޭ އިދާރާތަކުން ބޮޑުތިލަދުންމަތީގައި ބޭއްވުމަށް ރާއްވަވާފައިވާ ސިސްސިލާ ބައްދަލުވުންތައް ހއ. ކެލާ، ހދ. ނޭކުރެންދޫ، ށ. ފުނަދޫ، އަދި ނ. ކެނދިކުޅޫދޫ ގައި މަސައްކަތު ބައްދަލުވުންތައް ބޭއްވުމަށް ހަމަޖެހިފައިވާކަމަށް އެންވަޔަރަންމަންޓް މިނިސްޓްރީން ބުނެއެވެ. މި ބައްދަލުވުންތައް ކުރިއަށްގެންދިއުމަށް ހަމަޖެހިފައިވަނީ މިމަހުގެ 24ން 30ށް ކަމަށް މިނިސްޓްރީން ބުނެއެވެ.
މީގެކުރިން އެކުލަވާލާފައިވާ ބ އަތޮޅު ބަޔޮސްފިއަރ ރިޒާވާއި އައްޑޫ ނޭޗަރ ޕާކް އަދި ފުވައްމުލަކު ނޭޗަރ ޕާކުގެ މެނޭޖްމަންޓް ޕްލޭންތަކަކީ އެ ސަރައްދުގައި ދިރިއުޅޭ ފަރާތްތަކުގެ މަޝްވަރާއާއި އެކު އެކުލަވާލާފައިވާ ޕްލޭންތަކެއްކަމަށް މިނިސްޓްރީން ބުނެއެވެ.
ބޮޑުތިލަދުންމަތިން ހިމާޔަތްކޮށްފައިވާ 15 ސަރަހައްދަކީ:
