އެމްޑީޕީ ޕްރައިމަރީގެ ފައިނަލް ވޯޓާރސް ލިސްޓް އާއްމުކޮށްފި
20 ޖެނުއަރީ 2020 | ހޯމަ 12:54ޝަކުވާ ބަލައިގަތުމުގެ ސުންގަޑިއަކީ ބުދަ ދުވަހުގެ 2:00 ގެ ކުރިން
އެމްޑީޕީގެ އެތެރޭގެ އިންތިޚާބެއްގައި ވޯޓްލުން ކުރިއަށްދަނީ
ކުރިއަށްއޮތް ލޯކަލް ކައުންސިލް އިންތިޚާބުގެ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ޕްރައިމަރީގެ ފައިނަލް ވޯޓާރަސް ލިސްޓް ހޯމަ ދުވަހު އެޕާޓީން އާއްމުކޮށްފިއެވެ.
މި ލިސްޓަށް ޝަކުވާ ހުށަހެޅުމަށް ދެ ދުވަހުގެ ފުރުސަތު ހުޅުވާލާފައިވާއިރު ޝަކުވާ ހުށަހަޅާ ފޯމް ސެކްރެޓޭރިއަޓުންނާއި ޕާޓީގެ ވެބްސައިޓް www.mdp.org.mv އިން ލިބެން ހުންނާނެ ކަމަށް އެޕާޓީން މައުލޫމާތު ދެއެވެ.
ޝަކުވާ ބަލައިގަތުމުގެ ސުންގަޑި އަކީ 22 ޖަނަވަރީ 2020 ވާ (ބުދަ) ދުވަހުގެ މެންދުރު 2:00 އެވެ. ޝަކުވާ ފޯމް ސެކްރެޓޭރިއަޓް 2 ފަންގިފިލާއިން އަދި mdp.lce2020.vl@gmail.com އަށް އީމެއިލް ކުރުމުންވެސް ބަލައިގަނެވޭއެވެ.
ޕްރިއަމަރީގައި ބައިވެރިވުމަށް ފޯމް ހުށައެޅުމުގެ ސުންގަޑި ހަމަވިއިރު ސައްހަ 1364 ފޯމް ހުށަހަޅާފައިވާކަމަށް އެޕާޓީން ކުރިން ވަނީ ބުނެފައެވެ.
ލޯކަލް ކައުންސިލް އިންތިހާބުގައި ވާދަކުރާ އެމްޑީޕީގެ ކެންޑިޑޭޓުން ކަނޑައަޅާ ޕްރައިމަރީ ބާއްވަން ނިންމާފައި ވަނީ މިހިނގާ ޖެނުއަރީ މަހުގެ 31 ވަނަ ދުވަހުގަ އެވެ. އެމްޑީޕީ ޕްރައިމަރީ މިމަހު ބާއްވާއިރު އެމްޑީޕީން މިހާރުވެސް ވަނީ ލޯކަލްކައުންސިލް އިންތިޚާބުގެ ކެމްޕޭން ފަށާފަ އެވެ.
