އެމްޑީޕީގެ މެމްބަރުންނަށް ހައްގު މިންވަރު އަދި ލިބެންވާ ބައި ނުލިބިގެން އުޅެނީ ސަރުކާރު ކޯލިޝަންގެ ސަބަބުން ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.

އެމްޑީޕީން ތިލަދުން މައްޗަށް ކުރާ ދަތުރުގެ ތެރެއިން ހއ. އިހަވަންދޫގައި ބޭއްވި ޖަލްސާއެއްގައި ވާހަކަ ދައްކަވަމުން ރައީސް ނަޝީދު ވިދާޅުވީ، އެމްޑީޕީ ވެރިކަމުގައި އޮވެ ރައްޔިތުންނަށް ހިތްހަމަ ނުޖެހުން ލިބިގެން ނުލިބިގެން އުޅެނީ އެމަނިކުފާނުގެ ނަޒަރުގައި ކޯލިޝަންއާ ހެދިގެން ކަމަށެވެ.

މި ސަރުކާރު އުފެދުނީ ކޯލިޝަނެއްގެ ތެރެއިންކަން ފާހަގަކުރައްވަމުން ނަޝީދު ވިދާޅުވީ، މަޖިލީހުގެ އިންތިހާބުގެ ނަތީޖާއިން ފެނިގެން ދިޔައީ ރައްޔިތުން އެމްޑީޕީ ހޮވަން ބޭނުންވިވަރު ބޭނުންވި ކަމަށެވެ. ނަޝީދު ވިދާޅުވީ، އެމްޑީޕީއަށް ނުލިބި ދިޔަ ގޮނޑިތަކަކަކީވެސް ނުލިބިވަނީ ކުޑަ ކުޑަ މިންވަރެއްގެ ވޯޓުގެ ތަފާތުން ކަމަށެވެ.

ރައީސް ނަޝީދު މިހެން ވިދާޅުވީ ނަމަވެސް، ކޯލިޝަން ރޫޅާލުމުގެ ވިސްނުމެއް ގެންގުޅުއްވާ ކަމަށް ވިދާޅުވެފައެއް ނުވެއެވެ. މި ސަރުކާރު ހިންގާ ކޯލިޝަންގައި އެމްޑީޕީގެ އިތުރުން، ދެން ހިމެނެނީ ޖުމްހޫރީ ޕާޓީ، އެމްއާރްއެމް އަދި އަދާލަތު ޕާޓީއެވެ.