ކ. މާލެ
|
10 ޖެނުއަރީ 2020 | ހުކުރު 12:13
މާލޭގެ ވިޔަފާރި ބަނދަރު
މާލޭގެ ވިޔަފާރި ބަނދަރު
ޔޫސުފް ސޮފްވާން ރަޝީދު
މާލޭ ކޮމާޝަލް ހާބަރު
ކޮމާޝަލް ހާބަރުގެ ސަލާމަތާއި ރައްކާތެރިކަން ހަރުދަނާކުރުމަށް އިތުރު ފިޔަވަޅުތަކެއް އަޅައިފި
 
ރެސްޓްރިކްޓެޑް ޒޯންއަށް ވަނުމަށް ހާޑްހެޓް،ސޭފްޓީ ބޫޓް، ހައިވިޒިބިލިޓީ ވެސްޓް ބޭނުން ކުރަންޖެހޭ
 
މިމަހުގެ 15 އިން ފެށިގެން ސޭފްޓީ އާލާތްތައް ބޭނުންކޮށްގެންނޫނީ ނުވަދެވޭނެ
 
ރައްކާތެރިކަން ހަރުދަނާކުރުމަށް އަބަދުވެސް މަސައްކަތްތައް ކުރިއަށް ގެންދޭ

މާލޭ ކޮމަރޝަލް ހާބަރުގެ ސަލާމަތާއި ރައްކާތެރިކަން ހަރުދަނާކުރުމަށް އިތުރު ފިޔަވަޅުތަކެއް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އަޅައިފިއެވެ.

އެމްޕީއެލުން ބުނީ މާލޭ ކޮމަރޝަލް ހާބަރާއި ހުޅުމާލޭ ޓާމިނަލްގައި ސަލާމަތާއި ރައްކާތެރިކަން ހަރުދަނާކުރުމަށް އަބަދުވެސް މަސައްކަތްތައް ކުރިއަށް ގެންދާ ކަމަށެވެ.

އެގޮތުން މި ބަނދަރުތަކުން ޚިދުމަތް ލިބިގަންނަ ފަރާތްތަކަށް ރައްކާތެރި މާހައުލެއް ގާއިމްކޮށް ތަންފީޒު ކުރުމަށް އެކުންފުނިން ކުރަމުންއަންނަ މަސައްކަތްތަކުގެ ތެރެއިން، ބަނދަރު ސަރަހައްދަށް ވަންނަ ހުރިހާ ފަރާތްތަކަށް 15 ޖެނުއަރީ 2020 އިން ފެށިގެން ސޭފްޓީ އާލާތްތައް ބޭނުންކޮށްގެންނޫނީ ނުވަދެވޭގޮތަށް ހަމަޖައްސާފައިވާ ކަމަށެވެ.

އެމްޕީއެލުން ބުނީ ހާޑްހެޓް އަދި ރެސްޓްރިކްޓެޑް ޒޯންއަށް ވަނުމަށް ހާޑްހެޓް، ސޭފްޓީ ބޫޓް، ހައި-ވިޒިބިލިޓީ ވެސްޓް ބޭނުން ކުރަންޖެހޭ ކަމަށެވެ. އަދި ވޯކްވޭ ޒޯންއަށް ވަދެވޭނީ އޮފިޝަލް ނުވަތަ ކެޝުއަލް ޝޫޒްގައި ކަމަށް އެމްޕީއެލުން މައުލޫމާތުދެއެވެ.

މީގެ ކުރިންވެސް މާލޭ ކޮމަރޝަލް ހާބަރުގައި ހިތާމަވެރި ހާދިސާތަކެއް ހިނގާފައިވެއެވެ. އެގޮތުން 2018 ވަނަ އަހަރުގެ ތެރޭގައި ފޯކް ލިފްޓެއްގެ ދަށުވެ މަޖޫރީއެއްގެ ފައި ބުރިކޮށްލަން ޖެހުނެވެ. އަދި 2017 ވަނަ އަހަރުގެ ތެރޭގައި ހިނގި ހާދިސާއެއްގައި ކޮންޓެއިނަރަކުން މީހެއްގެ ފައިގައި ޖެހިގެން އެ މީހާގެ ފައިވެސް ބުރިކޮށްލަން ޖެހުނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް