ކ. މާލެ
|
1 ޖެނުއަރީ 2020 | ބުދަ 17:07
ޓޫރިޒަމް މިނިސްޓަރު އަލީ ވަހީދު
ޓޫރިޒަމް މިނިސްޓަރު އަލީ ވަހީދު
ޔޫސުފް ސޮފްވާން ރަޝީދު
މިނިސްޓަރު އަލީ ވަހީދު
ހޮނޑާފުށިން ވަކިކުރި މުވައްޒަފަށް އަޅުގަނޑުގެ މުސާރައިން، ތިން މަހުގެ މުސާރަދޭނަން: ޓޫރިޒަމް މިނިސްޓަރު
 
ޓްރައިބިއުނަލްއަށް މައްސަލަ ހުށަހަޅަން ވަނީ ނިންމާފައި
 
އެރިސޯޓުގެ ފަރާތުން ވެސް މައުލޫމާތު ސާފުކޮށްފައިވޭ
 
މުވައްޒަފާ ބައްދަލުކޮށް ކަންހިނގާފައިވާ ގޮތް ވަނީ ބަލާފައި

ހޮނޑާފުށި ރިސޯޓުން ސާރވިސް ޗާޖަށް ދެނީ އެންމެ 11 ޑޮލަރު ކަމަށް ބުނުމުން ވަޒީފާ އިން ވަކިކުރި އެ ރިސޯޓުގެ މުވައްޒަފަށް ތިން މަސް ދުވަހުގެ މުސާރަ ދެއްވަން ޓޫރިޒަމް މިނިސްޓަރު އަލީ ވަހީދު ނިންމަވައިފި އެވެ.

2020 ވަނަ އަހަރުގެ ފުރަތަމަ ފަތުރުވެރިޔާއަށް މަރުޙަބާ ދެންނެވުމަށް ބޭއްވި ޙަރަކާތުގެ ތެރެއިން ރާއްޖެއެމްވީން ދެންނެވި ސުވާލަށް ޖަވާބުދެއްވަމުން ޓޫރިޒަމް މިނިސްޓަރު އަލީ ވަހީދު ވިދާޅުވީ ހޮނޑާފުށި ރިސޯޓުގެ ވަޒީފާއިން ވަކިކުރި މުވައްޒަފާ ބައްދަލުކޮށްފައިވާ ކަމަށާއި، ކަން ހިނގާ ދިޔަ ގޮތް އޮޅުން ފިލުވާފައިވާ ކަމަށެވެ. އަދި އެ ރިސޯޓުގެ ފަރާތުން ވެސް މަޢުލޫމާތު ސާފުކޮށްފައިވާ ކަމަށް މިނިސްޓަރު ވިދާޅުވިއެވެ.

މިނިސްޓަރު އަލީ ވަހީދު ވިދާޅުވީ އެ މުވައްޒަފު ބޭނުންވަނީ މައްސަލަ ޓްރައިބިއުނަލްއަށް ހުށަހަޅަން ކަމަށެވެ. އެހެންކަމުން މިނިސްޓްރީން އެކަމަށް ހުރިހާ އެހީތެރިކަމެއް ދިނުމަށް ނިންމާފައިވާ ކަމަށް މިނިސްޓަރު ވިދާޅުވިއެވެ.

މީގެ އިތުރުން މިނިސްޓަރު ވިދާޅުވީ ވަޒީފައިން ވަކިކުރިއިރު އެއްވެސް ލިޔުމެއް އެ މުވައްޒަފަށް ދީފައިނުވާ ކަމަށެވެ. އަދި ވަޒީފާއިން ވަކިކޮށް ރިސޯޓުން ބޭލުވީ މުސާރައަށް 5001 ރުފިޔާ ދިނުމަށްފަހު ކަމަށާއި، އަދި އޭނާގެ މަހު މުސާރައަކީ 4000 ރުފިޔާ ކަމަށް މިނިސްޓަރު ފާހަގަކުރެއްވިއެވެ. އަދި އެ މުވައްޒަފުގެ މައްސަލަ ބެލުމަށާއި، އެހީތެރިކަން ފޯރުކޮށްދިނުމަށް މިހާރު މިނިސްޓްރީގެ ތެރެއިން ޓީމެއް އެކުލަވާލާފައިވާ ކަމަށް މިނިސްޓަރު އަލީ ވަހީދު ވިދާޅުވިއެވެ.

އަޅުގަނޑު ޕާރސަނަލީ އޭނާއަށް ޔަގީންކަން ދީފައިވާނެ ތިން މަހުގެ މުސާރަ އަޅުގަނޑުމެން ދޭނަމޭ. އެހެން ދެންނެވި ސަބަބަކީ ހަގީގަތުގަ އަޅުގަނޑަށް ފެނުނީ އެނޫސްކޮންފަރެންސްގައި އެދިޔަ މިސްއަންޑަސްޓޭންޑިން އެކޭ ދަންނަވަނީ. ނުވަތަ އަޅުގަނޑަށް ބުނެވުނު ބަހެއްގެ މާނަ އޮތް ގޮތުން ފަހުމް ނުވެ މާނަ އޮޅިގެންދިޔައީ. އެހެންވީމަ އެ މުވައްޒަފު އެކަމުގެ ޒިންމާ ނަގާކަށް ނުޖެހޭނެ.
ޓޫރިޒަމް މިނިސްޓަރު އަލީ ވަހީދު

ތިން މަސް ދުވަހުގެ މުސާރަ ދެއްވަން ޓޫރިޒަމް މިނިސްޓަރު އަލީ ވަހީދު ނިންމިކަން އިތުރަށް ސާފުކޮށްދެއްވަމުން މިނިސްޓަރު ކުރެއްވި ޓުވީޓެއްގައި ވިދާޅުވީ ކަނޑާލި މުވައްޒަފަށް އެހީވަނީ އެމަނިކުފާނުގެ އަމިއްލަ މުސާރައިން ކަމަށާއި، ޓޫރިޒަމް މިނިސްޓްރީގެ ބަޖެޓުން ނޫން ކަމަށެވެ. އަދި ޓޫރިޒަމް މިނިސްޓްރީން މިފަދަ ޚަރަދެއް ނުކުރެވޭނެ ކަމަށެވެ.

މިނިސްޓަރު ވިދާޅުވީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙުގެ ސަރުކާރަކީ ހަރުކަށިކަން ދައްކާ، އަނިޔާވެރިކަން ދައްކާ އަދި ބާރުގެ ބޭނުން ކުރާނެ ސަރުކާރެއް ނޫން ކަމަށާއި، އެ އުޞޫލެއް ނުވެސް އޮންނާނެ ކަމަށެވެ.

ހޮނޑާފުށި ރިސޯޓުން ކަނޑާލި ޝިމްހާޒު

ސާރވިސް ޗާޖުގެ މައްސަލައިގައި ވަޒީފާއިން ވަކިކޮށްފައިވަނީ ތ. ގުރައިދޫ އަޙްމަދު ޝިމްހާޒެވެ. އޭނާ ވަޒީފާއިން ވަކިކުރީ ފޭސްބުކް ޕޭޖެއް ކަމަށް ވާ ރިސޯޓް ބޯއީޒް މޯލްޑިވްސް ހިންގާ ކަމުގެ ތުހުމަތުގައެވެ. ހޮނޑާފުށި ރިސޯޓުގައި ސެކިއުރިޓީ އޮފިސަރެއްގެ ވަޒީފާ އަދާކުރި ޝިމްހާޒު ވަޒީފާއިން ކަނޑާލުމާއި ގުޅިގެން ގިނަ ބަޔަކު ދަނީ، އޭނާގެ ދިފާޢުގަ ވާހަކަ ދައްކަމުންނެވެ.

ޝިމްހާޒުގެ މައްސަލައިގަ ޓޫރިޒަމް އެޕްލޯއީސް އެސޯސިއޭޝަން އޮފް މޯލްޑިވްސް (ޓީމް) އިން ބުނެފައިވަނީ، އެ މައްސަލަ ވަރަށް ގާތުން ބަލަމުން އަންނަ ކަމަށެވެ. އަދި ޤާނޫނީ ގޮތުން ދޭން ޖެހޭ ހުރިހާ އެއްބާރުލުމެއް ދޭނެ ކަމަށް ވެސް އެ އެސޯސިއޭޝަނުން ބުނެއެވެ.

ހޮނޑާފުށި ރިސޯޓަކީ ތްރީއޭ ކުންފުނިން ރާއްޖޭގައި ހުޅުވި ފަސްވަނަ ރިސޯޓެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
55%
9%
36%
0%
0%
ކޮމެންޓް
1 ޖެނުއަރީ 2020 | ބުދަ 18:03
ޟަޒޫ
މައްސަލަބެލުން މާތާހިރުވާނެ ތިޔަށްވުރެ.ވަހީދު އަކީ ބޮނޑުޖޯކަރެއް. އިސްތިއުފާދީ