ދެކުނު އަތޮޅުތަކަށް ޔެލޯ އެލަރޓް ނެރެފި

ދެކުނުގެ އަތޮޅުތަކަށް ޔެލޯ އެލަރޓް ނެރެފި އެވެ.

މޫސުމާ ބެހޭ ޤައުމީ އިދާރާއިން ވަނީ ކ އަތޮޅުން ފެށިގެން އައްޑޫ ސިޓީ އާ ހަމައަށް ހޯމަ ދުވަހުގެ ހެނދުނު 8:00 ން ފެށިގެން މެންދުރު 12:00 އާ ހަމައަށް ޔެލޯ އެލަރޓް ނެރެފައެވެ. މެޓުން ބުނީ އެޞަރަޙައްދަށް ބޯކޮށް ވާރޭ ވެހުމާއެކު ގުގުރާނެ ކަމަށެވެ.

މީގެއިތުުރުން މެޓް އޮފީހުން ވަނީ މިރޭ 8:00 އާ ހަމައަށް މޫސުން ގޯސްވާނެ ކަމަށް ބުނެފައެވެ. އެގޮތުން އެންމެ އުތުރުގެ އަތޮޅުތަކަށް ކަނޑުތައް ގަދަވާނެ ކަަމަށާއި އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށްވެސް މެޓް އޮފީހުން ބުނެއެވެ.

މެޓުން ވަނީ ހުރިހާ ފަރާތްތަކަކުންވެސް މޫސުމަށް ސަމާލުވުމަށް އިލްތިމާސްކޮށްފަ އެވެ.