އިނގިރޭސި ޕްރިމިއާ ލީގުގައި ވެޓްފޯރޑް އިން ވަރުގަދަ މެންޗެސްޓާ ޔުނައިޓެޑް ބަލިކޮށްފިއެވެ.

ވެޓްފޯރޑްގެ ދަނޑުގައި ކުޅުނު މިމެޗު އެޓީމުން ކާމިޔާބުކުރީ 2-0 ގެ ނަތީޖާ އަކުންނެވެ.

މި މެޗު ފަށައިގެން މެންޗިސްޓާ ޔުނައިޓެޑުން ވަނީމޮޅު އެޓޭކިންގ ގޭމެއް ކުޅެފައެވެ. އެގޮތުން މެންޗެސްޓާ ޔުނައިޓެޑުން ވަނީ ފުލުފުލުގައި ވެޓްފޯރޑްގެ ގޯލަށް ހަމަލާތައް ފޮނުވައިލައިފައެވެ. އެގޮތުން މެޗުގެ 24 ވަނަ މިނެޓުގައި މެންޗެސްޓާ ޔުނައިޓެޑްގެ ޖެސޭ ލިންގާޑަށްވަނީ ލަނޑު ޖަހަން ރަނުގެ ފުރުސަތެއްލިބި ބޭކާރުވެފައެވެ. އޭނާ ހުސްކޮށް ހުރެ ފޮނުވާލި ބޯޅަ ވެޓްފޯރޑްގެ ކީޕަރު ވަނީ ހުށިޔާރުކަމާއި އެކު ދިފާއު ކޮށްފައެވެ.

މެޗުގެ ފުރަތަމަ ހާފު ނިމިގެންދިޔައީ 0-0 ގެ ނަތީޖާ އަކުން އެއްވަރުވެގެންނެވެ.

މެޗުގެ ދެވަނަ ހާފު ފަށައިގެން ވެޓްފޯރޑް އިން އެޓީމުގެ ކުޅުން ރަނަގަޅުކޮށް މެންޗެސްޓާ ޔުނައިޓެޑްގެ ގޯލަށް ނުރައްކާކޮށްފައި ވެއެވެ. އެގޮތުން މެޗުގެ 50 ވަނަ މިނެޓުގައި ވެޓްފޯރޑްގެ އިސްމައިލާ ސާރ ވަނީ ލަނޑު ޖަހާ ލީޑު ނަގައިދީފައެވެ.

މި ލަނޑަށްފަހު ވެސް ވެޓްފޯރޑް އިން ދިޔައީ ފުލުފުލުގައި މެންޗެސްޓާ ޔުނައިޓެޑްފެ ގޯލަށް ހަމަލާތައް ފޮނުވައިލައިފައެވެ. އެގޮތުން މެޗުގެ 54 ވަނަ މިނެޓުގައި ވެޓްފޯރޑްއިން ވަނީ އިތުރު ލަނޑެއް ޖަހާ ލީޑު ފުޅާ ކޮށްފައެވެ. މި ލަނޑު ލިބުނު ޕެނަލްޓީއަކުން އެޓީމަށް ކާމިޔާބުކޮށްދިނީ ޓޮނީ އެވެ.

މި ނަތީޖާ އާއިއެކު ތާވަލުގެ ފުލުގައި އޮތް ވެޓްފޯރޑް އަށް 12 ޕޮއިންޓް ލިބިފައިވާއިރު މެންޗެސްޓާ ޔުނައިޓެޑް ތާވަލުގެ 8 ވަނައިގައި އޮތީ ލިބުނު 25 ޕޮއިންޓާއިއެކުގައެވެ. ތާވަލުގެ އެއްވަނައިގައި އޮތް ލިވަރޕޫލަށް 49 ޕޮއިންޓް ލިބިފައިވެއެވެ.