ރާއްޖެ
ފުލުހުން
ފުލުހުންގެ ބެލުމުގެ ދަށުގައި ހުރި މީހަކު ފިލައިފި
ފިލާފައިވަނީ 34 ދިވެހި ފިރިހެނެއް
ދާނިޝް ނިޡާމް, ރާއްޖެ އެމްވީ | 11 ޑިސެމްބަރު 2019 | ބުދަ 15:39
ދިވެހި ފުލުހުންގެ މައި އިދާރާ
އައްޑޫސިޓީ ހިތަދޫ ޕޮލިސް ސްޓޭޝަންގެ ބެލުމުގެ ދަށުގައި ހުރި މީހަކު ފިލައިފިއެވެ.
މީޑިއާތަކަށް މައުލުމާތު ދެއްވަމުން ފުލުހުން ބުނެފައިވަނި ޑިސެމްބަރު މަހުގެ 11 ވަނަ ދުވަހުގެ މެންދުރުފަހުގެ ވަގުތެއްގައި އައްޑޫ ސިޓީ ހިތަދޫ ޕޮލިސް ސްޓޭޝަންގެ ބަންދުގައި ހުރި 34 އަހަރުގެ ދިވެހި ފިރިހެނަކު ފިލާފައިވާކަމަށެވެ. އަދި އެއީ ވައްކަމުގެ މައްސަލައެއްގައި ހުކުމް ތަންފީޒުކުރަން މާލެ ފޮނުވުމަށްޓަކައި ޑިސެމްބަރު މަހުގެ 9 ވަނަ ދުވަހު ފުލުހުންގެ ބެލުމުގެ ދަށަށް ގެނެވުނު މީހެއްކަމަށެވެ.
ފުލުހުން ބުނެފައިވަނީ އެ މީހާާ ހޯދުމަށްޓަކައި އެ ފަރާތްތަކުން ކުރަންޖެހޭ މަސައްކަތް ކުރަމުންދާކަމަށެވެ. ނަމަވެސް އެ މީހާ ފިލިގޮތެއް ފުލުހުން ހާމައެއް ނުކުރެ އެވެ.
