ޖިންސީ ގޯނާ ކުރި މައްސަލައެއްގަ ފުލުހަކު ހައްޔަރުކޮށްފި

ފިރިހެނަކަށް ޖިންސީ ގޯނާ ކުރި މައްސަލައެއްގައި ފުލުހުންގެ މީހަކު ހައްޔަރުކޮށްފިއެވެ.

ފުލުހުން ބުނީ، އާދިއްތަ ދުވަހުގެރޭ 22:50 ހާއިރު 42 އަހަރުގެ ފިރިހެނަކު 18 އަހަރުގެ ދިވެހި ފިރިހެނަކަށް ޖިންސީ ގޯނާކުރަން އުޅޭ އެކަމަކުގެ ތެރެއިން މާރާމާރީ އެއް ހިންގި މައްސަލަ އެއް ހުށައެޅިފައިވާ ކަމަށެވެ. އެ މައްސަލާގައި ތުހުމަތު ކުރެވޭ ފަރާތަކީ ފުލުހެއް ކަމަށާއި، އޭނާ ވަގުތުން ހައްޔަރު ކޮށްފައިވާ ކަމަށް ފުލުހުން ބުންޏެވެ.

ފުލުހުން ބުނީ، ހޯމަ ދުވަހު އެ ފުލުހަށް މުއްދަތު ޖަހަން ކޯޓަށް ގެންދިޔުމުން ކްރިމިނަލް ކޯޓުން ޝަރުޠުކޮށް އޭނާ ދޫކޮށްލާފައިވާ ކަމަށެވެ.

އެ މައްސަލައިގެ ޖިނާއި ތަހުޤީޤައް ފުލުހުން ކުރަމުންދާއިރު، ފުލުސް މީހާގެ ޑިސިޕްލިނަރީ މައްސަލަ ފުލުހުންގެ ޕްރޮފެޝަނަލް ސްޓޭންޑަރޑްސް ކޮމާންޑުން ދަނީ ތަހްޤީޤް ކުރަމުންނެވެ. އެ މުވައްޒަފު މިހާރު ސަސްޕެންޑް ކޮށްފައިވާކަމަށް ފުލުހުންގެ އިދާރާއިން ބުނެއެވެ.