މަގުމަތީގެ ތޮއްޖެހުމާއި ޕާކިންއަށް ލުޔެއް ހޯދުމަށް ކުރެވޭ މަސައްކަތް ނައިބު ރައީސް ބައްލަވާލައްވައިފި

މާލެސިޓީގެ މަގުމަތީގެ ތޮއްޖެހުން ކުޑަކުރުމާއި، ޕާކިންގެ މައްސަލައަށް ލުޔެއް ހޯދުމަށް ކަމާބެހޭ ފަރާތްތައް ގުޅިގެން ކުރަމުން އަންނަ މަސައްކަތުގެ ދަށުން، ބައެއް ކަންކަން ކުރިޔަށްގެންދެވުމަށް ޕްލޭންކުރެވިފައިވާ ޞަރަޙައްދުތައް ބައްލަވައިލެއްވުމަށް ރައީސުލްޖުމްހޫރިއްޔާގެ ނައިބު ފައިޞަލް ނަސީމް އެ ޞަރަޙައްދުތަކަށް ޒިޔާރަތްކުރައްވައިފިއެވެ.

އެގޮތުން އަންގާރަ ދުވަހު ނައިބު ރައީސް ވަނީ ކުރީގެ ދަރުމަވަންތަ ސްކޫލުގެ އިމާރާތް ހުރި ސައިޓަށާއި، އަމީނިއްޔާ ސްކޫލަށް ޒިޔާރަތްކުރައްވާފައެވެ. އޭގެ އިތުރުން ގްރޭޓަރ މާލެ ބަސް ސްޓޭޝަން ޞަރަޙައްދަށާއި ކުރީގެ ވެސްޓްޕާރކް ޞަރަޙައްދަށް ނައިބު ރައީސް ޒިޔާރަތްކުރައްވައި އެ ދެ ޞަރަޙައްދުވެސް އެމަނިކުފާނު ބައްލަވައިލެއްވިއެވެ.

ނައިބު ރައީސްގެ މި ޒިޔާރަތްތަކުގައި މާލެސިޓީ ކައުންސިލުގެ އިސްވެރިންނާއި މިނިސްޓްރީ އޮފް ނެޝަނަލް ޕްލޭނިންގ އެންޑް އިންފްރާސްޓްރަކްޗަރގެ އިސްވެރިން ބައިވެރިވެ ވަޑައިގެންނެވިއެވެ