ރާއްޖެ އިސްލާމްވި ދުވަހާއި ގުޅިގެން ބާއްވާ ޕެނަލް ޑިސްކަޝަން މިރޭ

ރާއްޖެ އިސްލާމްވި ދުވަހާ ގުޅިގެން ބާއްވާ ޕެނަލް ޑިސްކަޝަން ހޮނިހިރު ދުވަހުގެ ރޭ ބޭއްވުމަށް ހަމަޖެހިއްޖެއެވެ.

އިސްލާމިކް މިނިސްޓްރީން ބުނީ، ރާއްޖެ އިސްލާމްވި ދުވަހާއި ގުޅިގެން ބާއްވާ ޚާއްސަ ޕެނަލް ޑިސްކަޝަން އޮންނާނީ ހޮނިހިރު ދުވަހުގެރޭ 20:45 އިން 21:45 އަށް އިސްލާމީ މަރުކަޒުގެ ޖަލްސާ ކުރާ މާލަމްގައި ކަމަށެވެ.

އެގޮތުން މި ޕެނަލް ޑިސްކަޝަންގައި ރާއްޖެ އިސްލާމް ވުމާ ގުޅޭ ގޮތުން މުހިއްމު ވާހަކަތަކެއް ހުށައަޅާނެ ކަމަށް މިނިސްޓްރީން މައުލޫމާތު ދެއެވެ.

މި ޕެނަލް ޑިސްކަޝަންގައި އިލްމުވެރިންގެ ގޮތުގައި ބައިވެރިވަނީ ޑރ.އަޙްމަދު ޒާހިރު ޢަލީއާއި، ޑރ. އިބްރާހިމް ޒަކަރިއްޔާ މޫސާއާއި، ޑރ.ސައުދުﷲ ޢަލީއާއި، ޑރ. ޢަބްދުﷲ ޖަމީލްއެވެ.

އޭގެ އިތުރުން، މި ޕެނަލް ޑިސްކަޝަންގައި އިސްލާމް ދީނާއި ގުޅޭ ގިނަ މައުޟޫތަކަކަށް ވާހަކަދެއްކުމަށް ހަމަޖެހިފައިވާއިރު، މައިގަނޑު 4 މައުޟޫއަކަށް ވާހަކަދެއްކުމަށް ވަނީ ހަމަޖެހިފައެވެ.

އިސްލާމިކް މިނިސްޓްރީން ބުނީ، މި މައުޟޫތަކަށް ވާހަކަދައްކާއިރު، އާންމުންގެ ތެރެއިން އެއްވެސް ސުވާލެއް ހުށައަޅަން ބޭނުންނަމަ ޕެނަލް މެދުވެރިކޮށް އެ ސުވާލަކަށް ޖަބާވު ހޯދުމުގެ ފުރުސަތުވެސް ލިބިގެންދާނެ ކަމަށެވެ.