ހުކުރު 06 ޑިސެންބަރު 2019
10 ދޮށަ
1441 ރަބީޢުލްއާޚިރު 09
ފަތިސް 04:42
އިރުއަރާ 05:58
މެންދުރު 12:01
އަސްރު 15:21
މަޣްރިބް 17:55
އިޝާ 19:12
ކުޅިވަރު - ސައުތް އޭޝިއަން ގޭމްސް

ސައުތް އޭޝިއަން ގޭމްސް: ލަންކާ އަތުން ބަލިވެ ފިރިހެން ވޮލީ ޓީމު މުބާރާތުން ކަޓައިފި

  • ލަންކާ އަތުން ރާއްޖެ ބަލިވީ ސީދާ ތިން ސެޓުން

އަތޫފް އާތިފް
AthifAthoof

ކ. މާލެ 29 ނޮވެންބަރު 2019 | ހުކުރު 19:39 1,254

ގައުމީ ފިރިހެން ވޮލީ ޓީމު - ވީނިއުސް

ނޭޕާލުގައި ކުރިޔަށްދާ 13 ވަނަ ސައުތް އޭޝިއަން ގޭމްސްގައި ރާއްޖޭގެ ގައުމީ ފިރިހެން ވޮލީ ޓީމު ކުޅުނު ދެ މެޗުންވެސް ބަލިވެ މުބާރާތުން ކަޓައިފިއެވެ.

ހުކުރު ދުވަހު ލަންކާ އާއި ދެކޮޅަށް ކުޅުނު މެޗުން ރާއްޖޭގެ ފިރިހެން ވޮލީ ޓީމު ބަލިވީ ސީދާ ތިން ސެޓުންނެވެ.

މެޗުގެ ފުރަތަމަ ސެޓު ގައި ރާއްޖޭގެ ކުޅުންތެރިންގެ ފަރާތުން ގިނަ މިސްޓޭކް ތަކެއް ފެނިގެންދިޔައިރު މި ސެޓް ލަންކާއިން ކާމިޔާބުކުރީ 25-18 އިންނެވެ. މެޗުގެ ދެވަނަ ސެޓުގައި ރާއްޖޭގެ ކުޅުންތެރިން ކުޅުން ރަނގަޅުކޮށް މޮޅަށް ކުޅުނުއިރު މި ސެޓު ލަންކާއިން ކާމިޔާބުކުރީ 25-23 އިންނެވެ.

މެޗުގެ ފަހު ސެޓުގައި ލަންކާގެ ކުޅުންތެރިންގެ ފަރާތުން ތަފާތު މޮޅު ކުޅުމެއް ފެނިގެންދިޔައިރު މި ސެޓު ލަންކާއިން ކާމިޔާބު ކުރީ 25-17 އިންނެވެ.

މި މުބާރާތުގެ ފުރަތަމަ މެޗުން ރާއްޖޭގެ ގައުމީ ފިރިހެން ވޮލީ ޓީމު ބުރާސްފަތި ދުވަހު ކުޅުނު މެޗުން ވެސް ވަނީ ބަލިވެފައެވެ. ޕާކިސްތާނާއި ދެކޮޅަށް ރާއްޖެއިން ކުޅުނު މި މެޗުން ރާއްޖެ ބަލިވީ ވެސް ސީދާ ތިން ސެޓުންނެވެ.

މި މުބާރާތަށް ރާއްޖެ ނިކުތީ އާ ކޯޗު ސާބިއާގެ މިލޮރަޑް ކިޔާޗްގެ އިރުޝާދުގެ ދަށުންނެވެ.

މި މުބާރާތުގައި ރާއްޖެ ހިމެނިފައިވަނީ ގްރޫޕް "ބީ" ގައި ސްރީލަންކާ އަދި ޕާކިސްތާނާއި އެކުގައެވެ. ގްރޫޕް "އޭ" ގައި ހިމެނެނީ މުބާރާތް ބާއްވާ ގައުމު ނޭޕާލްގެ އިތުރުން އިންޑިއާ އަދި ބަންގްލަދޭޝް އެވެ.

އެންމެ ފަހުން އަޕްޑޭޓް ކުރީ: 6 ދުވަަސް ކުރިން | ރިވިއު ކުރީ: ލީވާން އަލީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް