ކ. މާލެ
|
21 ނޮވެންބަރ 2019 | ބުރާސްފަތި 18:38
މައުރީސިއޯ ޕޮޗެޓީނޯ
މައުރީސިއޯ ޕޮޗެޓީނޯ
ގެޓީ އިމޭޖަސް
މައުރީސިއޯ ޕޮޗެޓީނޯ
ބާސާ އާއި ބަޔާނުން ޕޮޗެޓީނޯ ހޯދުމަށް މަސައްކަތްކުރަނީ
 
ޕޮޗެޓީނޯ ހޯދުމަށް ބާސާ އާއި ބަޔާންގެ އިތުރުން އެހެން ކްލަބްތަކުންވެސް އަންނަނީ މަސައްކަތް ކުރަމުން

ބާސެލޯނާ އާއި ބަޔާން މިއުނިކުން ޓޮޓެންހަމްގެ ކުރީގެ ކޯޗު މައުރީސިއޯ ޕޮޗެޓީނޯ ހޯދުމަށް މަސައްކަތް ފަށާފައިވާ ކަމަށް ރިޕޯޓްތައް ބުނެފިއެވެ.

ދަ ސަން އިން ބުނީ، ބާސާއިން އާ ކޯޗެއް ހޯދުމުގެ މަސައްކަތް ކުރަމުން އަންނަ ކަމަށާއި، އެ ކްލަބުން ޝޯޓްލިސްޓްކުރި ކޯޗުންގެ ތެރޭގައި ޕޮޗެޓީނޯވެސް ހިމެނޭ ކަމަށެވެ.

ބާސާގެ ކޯޗަކަށް މިވަގުތު ވަލްވާޑޭ ހުރިއިރު، އޭނާ މަގާމުން ވަކިކުރާނެ ކަމަށް އަންނަނީ ރިޕޯޓްތައް ބުނަމުންނެވެ.

ބާސާގެ އިތުރުން ބަޔާނުންވެސް ޕޮޗެޓީނޯ ހޯދުމަށް މަސައްކަތް ކުރަމުން އަންނައިރު، އެ ކްލަބުންވެސް އާ ކޯޗު ހޯދަން ޝޯޓްލިސްޓް ކުރި ކޯޗުންގެ ތެރޭގައި ޕޮޗެޓީނޯ ހިމެނޭ ކަމަށް ރިޕޯޓްތައް ބުނެއެވެ.

ޓޮޓެންހަމްގެ ކޯޗުކަމުން ޕޮޗެޓީނޯ ވަކިކުރީ މި ހަފްތާ ތެރޭގައެވެ. އަދި އޭނާ ވަކިކުރުމަށްފަހު ޓޮޓެންހަމުން ވަނީ އެޓީމުގެ ކޯޗުގެ ގޮތުގައި ޗެލްސީގެ ކުރީގެ ކޯޗު ހޯޒޭ މޮރީނިއޯ ހަމަޖައްސާފައެވެ.

އެސްޕަނިއޯލް އާއި ސައުތްހެމްޓަނަށް ކޯޗުކަން ކޮށްދީފައިވާ ޕޮޗެޓީނޯ ޓޮޓެންހަމްގެ ކޯޗުކަމާ ހަވާލުވީ 2014 ވަނަ އަހަރެވެ. އޭނާ ވަނީ އެޓީމަށް 293 މެޗުގައި ކޯޗުކަން ކޮށްދީފައެވެ. އޭގެ ތެރެއިން 159 މެޗުން އެޓީމު މޮޅުވިއިރު، 72 މެޗުން ވަނީ ބަލިވެފައެވެ. އަނެއް 62 މެޗު ނިމުނީ އެއްވަރުވެގެންނެވެ.

ޕޮޗެޓީނޯގެ އިރުޝާދުގެ ދަށުން ޓޮޓެންހަމް ވަނީ ލީގް ކަޕްގެ ދެވަނަ ހޯދުމުގެ އިތުރުން މިދިޔަ ސީޒަނުގައި ޔުއެފާ ޗެމްޕިއަންސް ލީގުގެ ދެވަނަ ހޯދާފައެވެ. ކުޅުންތެރިއެއްގެ ގޮތުގައި އެސްޕަނިއޯލް އާއި ޕީއެސްޖީއަށް ކުޅެފައިވާ ޕޮޗެޓީނޯ ވަނީ އާޖެންޓީނާގެ ގައުމީ ޓީމަށްވެސް ކުޅެފައެވެ. އޭނާ ވަނީ ކުޅުންތެރިއެއްގެ ގޮތުގައި އެސްޕަނިއޯލާކު ދެފަހަރެއްގެ މަތިން ކޮޕަޑެލްރޭ ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
33%
67%
0%
0%
0%
0%
ކޮމެންޓް