ގާސިމް ބަރުލަމާނީ ނިޒާމަށް ތާއީދު ކުރާކަން ހާމަ ނުކުރައްވަނީ ރައީސް ސޯލިހަށް އޮޅުވާލުމަށް: ޖާބިރު
20 ނޮވެމްބަރު 2019 | ބުދަ 23:44ގާސިމް އަކީ ރައްޔިތުންނަށް އޭނާގެ ހެޔޮކަން ނުބައި ނިޔަތުގައި ދައްކާ ބޭފުޅެއް ކަމަށް ވިދާޅުވި
ރައީސުލް ޖުމްހޫރިއްޔާ ިއިބްރާހިމް މުހައްމަދު ސޯލިހާއި ޑީއާރުޕީގެ ލީޑަރ އަބްދުﷲ ޖާބިރު
ޖުމްހޫރީ ޕާޓީގެ ލީޑަރ ގާސިމް އިބްރާހިމް ބަރުލަމާނީ ނިޒާމަށް ތާއީދު ކުރާކަން ހާމަ ނުކުރައްވަނީ ރައީސުލް ޖުމަހޫރިއްޔާ އިބްރާހިމް މުހައްމދު ސޯލިހުއަށް އޮޅުވާލުމަށް ކަމަށް ދިވެހި ރައްޔިތުންގެ ޕާޓީ (ޑީއާރުޕީ) ގެ ލީޑަރ އަދި ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވެއްޖެއެވެ.
ބުދަ ދުވަހު ޑީއާރުޕީން ކޮށްފައިވާ ޓްވީޓްގައި ވަނީ ގާސިމްއަކީ އިންސާނުންނަށް އޮޅުވާލުމާއި، ރައްޔިތުންނަށް އޭނާގެ ހެޔޮކަން ނުބައި ނިޔަތުގައި ދައްކާ، ހަގީގަތް އޮޅުވާލާ ބޭފުޅެއް ކަމަށެވެ.
އަސްލު ބަރުލަމާނީ ނިޒާމަށް ހިތުގެ އަޑިން ތާއީދުކޮށް، ނަމަވެސް ރައީސް ސޯލިހުއަށް އޮޅުވާލުމަށްޓަކައި އެކަން އެކަން ފާޅުނުކޮށް ހުރި ބޭފުޅެއް ކަމަށް ޖާބިދު ވިދާޅުވިއެވެ.
ޖުމްހޫރީ ޕާޓީއަކީ ސަރުކަރު ކޯލިޝަންގައި ހިމެނޭ ޕާޓީ އެއް ޕާޓީ އެވެ. ރައީސް ޔާމީންގެ ސަރުކާރުގައި އިސް މަޤާމްތައް ފުރުއްވި ބައެއް ބޭފުޅުންނާއި އޭރުގެ ސަރުކާރަށް ނިސްބަތްވާ ރައްޔތިންގެ މަޖިލީހުގެ ކުރީގެ މެންބަރުން ވަނީ ޖޭޕީ އާއި ގުޅިފައެވެ.
މި ހަފަހަކަށް އައިސް ޖާބިރު ގެންދަވަނީ ރައްޔިތުންގެ މަޖިލީހުގައި ރައީސް ސޯލިހަށް ފާޑުވިދާޅުވަމުންނެވެ.
