އަންގާރަ 07 ޖުލައި 2020
07 ފުނޯސް
1441 ޒުލްގައިދާ 16
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ޓެނިސް އެސޯސިއޭޝަން

50 ވަނަ ގައުމީ ޓެނިސް މުބާރާތް ފަށައިފި

  • މުބާރާތުގެ ފައިސާގެ އިނާމުގެގޮތުގައި 25،000 (ފަންސަވީސް ހާސް) އެމެރިކާ ޑޮލަރުވަނީ ހުށަހަޅައިފަ

ކ. މާލެ | 15 ނޮވެންބަރ 2019 | ހުކުރު 19:17 | 2,350

މުބާރާތުގެ ހުޅުވުމުގެ ރަސްމިއްޔާތުގެ ތެރެއިން - ރާއްޖެ އޮންލައިން

50 ވަނަ ގައުމީ ޓެނިސް މުބާރާތް 145 ކުޅުންތެރިންނާއިއެކު ފަށައިފިއެވެ.

ބޭންކް އޮފް މޯލްޑިވްސް ނޭޝަނަލް ޓެނިސް ޗެމްޕިއަންޝިޕް ކުރިޔަށްދާނީ ހުކުރު ދުވަހުން ފެށިގެން މި މަހުގެ 23 ގެ ނިޔަލަށެވެ.

މި މުބާރާތް ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ޓެނިސް އެސޯސިއޭޝަންގެ ރައީސް އަހްމަދު ނަޒީރު ވިދާޅުވީ މި މުބާރާތް މިހާ ފުރިހަމަކޮށް، ރާއްޖޭގެ ޓެނިހަށް 50 އަހަރު ފުރޭ އަހަރުގައި ބޭއްވުމަކީ ލިބޭ ކާމިޔާބީއެއް ކަމަށެވެ. މީގެ އިތުރުން ނަޒީރު ވަނީ މި މުބާރާތް ބޭންކް އޮފް މޯލްޑިވްސް އިން ސްޕޮންސަރ ކުރުމާއި ގުޅިގެން ޝުކުރުއަދާ ކޮށްފައެވެ.

މި ރަސްމިއްޔާތުގައި ވާހަކަދައްކަވަމުން ކުޅިވަރާއި ބެހޭ ވަޒީރު އަހްމަދު މަހްލޫފް ވިދާޅުވީ އަލަށް ހެދުނު ޓެނިސް ކޯޓު ވަރަށް ފުރިހަމަ ކަމަށާއި، މި ފެސިލިޓީޒްގެ ސަބަބުން ޓެނިހަށް އިތުރު ކުރިއެރުމެއް ލިބިގެންދާނެ ކަމަށް އުންމީދު ކުރާ ކަމަށެވެ.

މި ރަސްމިއްޔާތުގައި މިނިސްޓަރ މަހްލޫފް ވަނީ ޓެނިސް އެސޯސިއޭޝަނުން އެދިފައިވާ ގޮތަށް ހުޅުމާލެއިން ޓެނިސް ކޯޓު އެޅުމަށް ބިމެއް ހަމަޖައްސައިދޭނެ ކަމަށް ވިދާޅުވެފައެވެ.

މި މުބާރާތުގައި ރާއްޖޭގެ އިތުރުން ސްރީލަންކާއާއި، އިންޑިއާއާއި، ނޭޕާލާއި، ކެމްބޯޑިއާގެ ކުޅުންތެރިން މުބާރާތުގެ އެކި ކެޓަގަރީތަކުގައި ވާދަކުރާނެއެވެ. މި މުބާރާތަކީ ރާއްޖޭގައި މިހާތަނަށް ބޭއްވޭ އެންމެ ބޮޑު ޓެނިސް މުބާރާތް ކަމަށް ޓެނިސް އެސޯސިއޭޝަނުން ބުނެއެވެ

މިއީ ރާއްޖޭގައި ބޭއްވޭ ފުރަތަމަ ބައިނަލްއަގުވާމީ ޓެނިސް މުބާރާތެވެ. އަދި މި މުބާރާތުގެ ފައިސާގެ އިނާމުގެގޮތުގައި 25،000 (ފަންސަވީސް ހާސް) އެމެރިކާ ޑޮލަރުވަނީ ހުށަހަޅައިފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ލީވާން އަލީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.