ހއ. އުލިގަމުގައި އަލަށް އިމަރާތްކުރާ އިންޖީނުގޭގެ އެއްބސްވުމުގައި 2 އެލް ކޮންސްޓަރަކްޝަން ޕްރައިވެޓް ލިމިޓެޑާއި އެކު ސޮއިކޮށްފިއެވެ.
ބުރާސްފަތި ދުވަހު ބޭއްވި ރަސްމިއްޔާތެއްގައި ފެނަކަ ކޯޕަރޭޝަންގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ އަހުމަދު ސައީދު މުހައްމަދުއެވެ. 2 އެލް ކޮންސްޓްރަކްޝަންގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރ އަލީ އިބްރާހިމް ރަޝީދެވެ.
170 ދުވަހުގެ ތެރޭގައި މަސައްކަތް ނިންމުމަށް ކޮންޓްރެކްޓަރ އާއި ހަވާލުކޮށްފައިވާ މި އެއްބަސްވުމުގެ ދަށުން މަސައްކަތް ފެށުމަށް ހަމަޖެހިފައިވަނީ މިހިނގާ ނޮވެމްބަރުމަހުގެ 13 އިން އަންނަ އަހަރުގެ މެއި މަހުގެ 01 އަށެވެ.
ސަރުކާރުން 2އެލް ކޮންސްޓްރަކްޝަނާއި މި މަސައްކަތް ހަވާލު ކޮށްފައިވަނީ 5.599454.10 ( ފަސްމިލިއަން ފަސްލައްކަ ނުވަދިހަ ނުވަހާސް ހަތަރު ސަތޭކަ ފަންސާސް ހަތަރެއް ޕޮއިންޓް އެކެއް ސުމެއް ) ރުފިޔާގެ ބަޖެޓަކުންނެވެ.
ފާއިތުވެ ދިޔަ ސަރުކާރުތަކުން އިހުމާލުވެފައިވާ އުލިގަމުގައި ރައީސް އިބްރާހިމް މުހައްމަދު ސާލިހުގެ ސަރުކާރުން ވަނީ ވަރަށް ޚާއްސަ ސަމާލުކަމެއް ދީގެން ފެނާއި ނަރުދަމާގެ މަސައްކަތް ފަށާފައެވެ.
