ޓެނިސް ކުޅުންތެރިޔާ ސެރީނާ ޗުއްޓީއެއްގައި އިތާފުށި ރިސޯޓުގައި!

އެމެރިކާގެ މަޝްހޫރު ޓެނިސް ކުޅުންތެރިޔާ ސެރީނާ ވިލިއަމްސް ރާއްޖޭގައި ޗުއްޓީ ހޭދަ ކުރަންމުން އެބަދެއެވެ.

ސެރީނާ ޗުއްޓީ ހޭދަ ކުރަމުންދަނީ އިތާފުށި ރިސޯޓްގައެވެ. ސެރީނާ އާއެކު އޭނާގެ ފިރިމީހާ އެލްކްޒިސް އޮހޭނިއަންގެ އިތުރުން ދަރިފުޅު ވެސް އަންނަނީ ޗުއްޓީ ހޭދަކުރަމުންކަން ފާހަގަކޮށްލެވެއެވެ.

ސެރީނާ ވަނީ އޭނާގެ ޗުއްޓީ ހޭދަ ކުރަމުންދާ އިތާފުށި ރިސޯޓްގެ ސްވިމިން ޕޫލެއް ކައިރި ހުރެ ނަގާފައިވާ ފޮޓޮއެއް އޭނާގެ އިންސްޓެގްރާމްގައި ޕޯސްޓު ކޮށްފައެވެ.

ދުނިޔޭގެ އެންމެ މޮޅު އަންހެން ޓެނިސް ކުޅުންތެރިންގެ ތެރޭގައި ހިމެނޭ ސެރީނާ ވަނީ ގިނަ މުބާރާތްތަކެއްގައި ބޮޑެތި ކާމިޔާބީތަކެއް ހޯދާފަ އެވެ.

ފާހަގަކޮށްލަންޖެހޭ އަނެއް ކަމަކީ ސެރީނާ އަކީ ދުނިޔޭގައި އެންމެ ބޮޑު އާމްދަނީއެއް ލިބޭ ކުޅިވަރުގެ އެއް އަންހެން ކުޅުންތެރިޔާ ކަމެވެ.

ޒުވާން ކަމާއި ރީތިކަމަށް ލޯބިކުރާ އެ މަޝްހޫރު ޓެނިސް ކުޅުތެރިޔާގެ އުމުރަކީ 38 އަހަރެވެ.