އަންގާރަ ދުވަހުގެ މަޖިލީހުގެ ޖަލްސާއަށް ހެލްތު މިނިސްޓަރ އަބްދުﷲ އަމީން ހާޒިރުކޮށް ސުވާލު ކުރުމަށް އެޖެންޑާ ކޮށްފިއެވެ.

މަޖިލީހުގެ ޖަލްސާއަށް މިނިސްޓަރ ހާޒިރު ކުރުމަށް ހުށަހެޅުއްވީ ވެލިދޫ ދާއިރާގެ މެންބަރު މުޙައްމަދު ޢަބްދުالله ޝަފީޤްއެވެ.

މެމްބަރު މިނިސްޓަރ އޮފް ހެލްތް އަމީންއާއި ކުރައްވާ ސުވާލަކީ 2019 ވަނަ އަހަރަށް ދައުލަތުން ހުށަހެޅި ބަޖެޓުގައި ނ.ވެލިދޫގައި ހޮސްޕިޓަލެއް ޤާއިމުކުރުމަށް ކަނޑައަޅާފައިވާއިރު އަދި އެ މަސައްކަތް ފެށުމަށްޓަކައި 260,678,10( ދިހަމިލިއަން ހަލައްކަ ހަތްދިހައަށްހާސް ދުއިސައްތަ ފަސްދޮޅަސް) ރުފިޔާ ބަޖެޓުގައި ހިމަނާފައިވާއިރު، އެ މަސައްކަތް ނުފެށި ލަސްވާ ސަބަބަކީ ކޮބައިތޯއާއި ވެލިދޫގައި ހޮސްޕިޓަލް ޢިމާރާތްކުރުމުގެ ޢަމަލީ މަސައްކަތް ފެށޭނީ ކޮން ތާރީޚަކުންތޯއެވެ.

އަންގާރަ ދުވަހުގެ ޖަލްސާގައި ވޯޓަށް އަހާ ކަންތައްތަކުގެ ތެރޭގައި ސުޕްރީމް ކޯޓުން ނިންމާފައިވާ ޤާ ނޫނުއަސާސީއާއި ޚިލާފު ނިންމުންތަކާއި ގުޅޭގޮތުން ޖުޑީޝަލް ސަރވިސް ކޮމިޝަނުން މަޖިލީހަށް ފޮނުއްވާފައިވާ ރިޕޯޓު ރައްޔިތުންގެ މަޖިލީހުގެ ޖުޑީޝިއަރީ ކޮމިޓީން ދިރާސާކޮށް ނިންމިގޮތުގެ ރިޕޯޓުގެ އިތުރުން ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ ބާރު، ސުޕްރީމް ކޯޓުން ނިގުޅައިގެންފައިވާތީ ހުށަހަޅުއްވާފައިވާ ޤަރާރާއި ގުޅޭ މައްސަލަ، ރައްޔިތުންގެ މަޖިލީހުގެ ޖުޑީޝިއަރީ ކޮމިޓީން ދިރާސާކޮށް ނިންމިގޮތުގެ ރިޕޯޓު ހިމެނެއެވެ.