އުތުރުގެ އަތޮޅަކަށް ޔެލޯ އެލަރޓް ނެރެފި
ޔެލޯ އެލާރޓް ނެރެފައިވަނީ ބުދަ ދުވަހުގެ ހެނދުނު 8:00 އިން 12:00 އަށް
މާލެ އަށް ބޯކޮށް ވާރޭ ވެހެމުންދަނީ
ރާއްޖޭގެ އުތުރުގެ އަތޮޅުތަކަށް މޯލްޑިވްސް މީޓިއޮރޮލޮޖިކަލް ސަރވިސް (މެޓް އޮފީސް) އިން ޔެލޯ އެލަރޓް ނެރެފިއެވެ.
އުތުރުގެ އަތޮޅުތަކަށް ބޯކޮށް ވާރޭ ވެހުމާއި އެކު ގުގުރުން އެކަށީގެންވާ ކަމަށް ލަފާކޮށް މެޓް އޮފީހުން ޔެލޯ އެލަރޓް ނެރެފައިވަނީ ހއ. އަތޮޅުން ކ. އަތޮޅާއި ދެމެދުގެ އަތޮޅުތަކަށެވެ.
އެލަރޓް ނެރުނީ މިއަދު ހެދުނު 0800 އިން މެންދުރު 1200ގެ ނިޔަލަށެވެ.
ޔެލޯ އެލަރޓް ނެރެފައިވާ 8 އަތޮޅަށް ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށްވެސް މޫސުމާބެހޭ އިދާރާއިން ވަނީ ލަފާކޮށްފައެވެ.
ރާއްޖެއަށް މިހާރު ކުރަމުންދާ ވިއްސާރައަކީ ސްރީލަންކާ އާއި ރާއްޖެއާ ދެމެދު އުފެދިފައިވާ ކޮޅިގަނޑެއްގެ ސަބަބުން ކުރަމުންދާ ވިއްސާރައެއް ކަން ފާހަގަކޮށް، މިއަދުވެސް ރާއްޖޭގެ ބޮޑު ބަޔަަކަށް ވިއްސާރަކުރާނެކަމަށް މޫސުމާއި ބެހޭ ޤައުމީ އިދާރާއިން ވަނީ ލަފާކޮށްފައެވެ.
މިކޮޅިގަނޑާ ގުޅިގެން ރާއްޖޭގެ ބޮޑުބަޔަކަށް ވިއްސާރަކުރުމާއެކު ގުގުރާނެކަމަށް މެޓް އޮފީހުން ބުނެއެވެ.
